தோனி என்னை அதிக முறை கேலியும் கிண்டலும் செய்தார் – தோனியுடனான நட்பு குறித்து டேவின் கான்வே பேட்டி.

இந்த வருட ஐபிஎல் தொடரில் சென்னை சூப்பர் கிங்ஸ் அணியானது வெற்றி பெற்றது. இதன் மூலம் ஐபிஎல் தொற்றில் ஐந்து கோப்பைகளை கைப்பற்றியது. இதற்கு முக்கியமான காரணம் தொடக்க ஆட்டக்காரராக நியூசிலாந்து அணியை சேர்ந்த டேவின் கான்வேவையும், ருத்துராஜையும் கூறலாம். அப்படிப்பட்ட நிலையில் தான் சமீபத்தில் நேர்காணல் ஒன்றில் பேசிய டேவின் காணவே சென்னை அணியில் தனக்கு அணிக்கும் இடையே இருந்து உறவு மற்றும் தோனியுடனான நட்பு குறித்து பேசினார்.

அவர் கூறுகையில் “தோனியுடன் நிறைய நேரம் செலவிட நான் அதிர்ஷ்டசாலியாக இருந்திருக்க வேண்டும். மொயீன், எம்.எஸ், அஜிங்க்யா ரஹானே போன்றவர்களுடன் நானும் சென்னை சூப்பர் கிங்ஸ் அணி அறையில் நிறைய நேரம் ஐபிஎல் போட்டிகளைப் பார்த்து வெவ்வேறு அணிகள் மற்றும் அவர்களின் உத்திகளைப் பற்றி பேசினோம். சொல்லப்போனால் கிரிக்கெட்டைத் தாண்டிய வாழ்க்கை அது. எம் எஸ் தோனியுடனான என்னுடைய நட்பு மனதிற்கு குளிர்ச்சியானது.

அவர் எனக்கு நிறைய கேலி மற்றும் கிண்டல், நகைச்சுவையான ஒன்-லைனர்களை கற்றுக்கொடுத்தார். இப்போது நான் அதை அவருக்குத் திரும்பக் கொடுக்கத் தொடங்கிவிட்டேன் என்றார் டேவின் கான்வே. மேலும் தோனியுடன் விளையாடியது குறித்து கேட்டபோது “அவரின் மீது வைத்திருக்கும் மரியாதை மகத்தானது. ஒவ்வொரு முறை அவர் அறைக்குள் நுழையும் போது, ​​​​அவரைச் சுற்றி ஒரு ஒளி வட்டம் இருக்கிறது.

நீங்கள் அவருடன் பேச விரும்புகிறீர்கள். ஏனென்றால் கிரிக்கெட்டில் அவரது அந்தஸ்து மற்றும் பல சாதனைகளை புரிந்த அவர் என்ன சொல்கிறார் என்பதைப் புரிந்து கொள்ள வேண்டும் என்றார். மேலும் மொயீன் அலி மற்றும் அவரது நெருங்கிய நண்பரான தன்வீருக்கு எதிராக இருவரும் ஒரு அணியாக விளையாடியது குறித்தும் பேசினார் டேவின் காணவே

அவர் கூறுகையில் “நாங்கள் ஸ்னூக்கர் விளையாட்டை இரவு நேரங்களிலும் அதிகாலையிலும் விளையாடும் அதிர்ஷ்டம் பெற்றோம். எம்.எஸ் மற்றும் நானும் ஒரு அணியில் இருந்தோம், பெரும்பாலும் மொயீன் மற்றும் அவரது நெருங்கிய நண்பரான தன்வீர் சிறந்தவர்களாக இருந்தார்கள். போட்டியில் இருந்து அதிகாலை 2-3 மணிக்கு ஹோட்டலுக்குத் திரும்பிய சிறிது நேரத்திலேயே எங்கள் விளையாட்டுகள் தொடங்கும்.

அந்த கேம்களைச் சுற்றி நிறைய சிரிப்புகள் மற்றும் நல்ல, ஆக்கபூர்வமான அரட்டைகளைப் பகிர்ந்து கொண்டோம், மேலும் வெவ்வேறு சூழ்நிலைகளை எப்படி அணுகுவது என்பது குறித்து அந்த பேட்டியில் பேசினார் டேவின் கான்வே. கான்வே இதுவரை 23 ஐபிஎல் போட்டிகளில் 924 ரன்கள் எடுத்துள்ளார், இதில் 9 அரை சதங்களும் அடங்கும். இந்திய மண்ணில் விளையாடியதால் இந்த அனுபவம் வரும் 2023 ஒருநாள் உலகக் கோப்பையில் தென்னிந்திய அணிக்கு உதவும் என்பது குறிப்பிடதக்கது.