ஆர்சிபி மட்டுமல்ல இவர்களையும் வீழ்த்துவேன்… டிஆர்பிக்காக அப்படி செய்கின்றனர் – உண்மையை உடைத்த கம்பீர்.

பொதுவாக கம்பீர் ரசிகர்களுக்கும் விராட் கோலி ரசிகர்களுக்கு இடையே ஐபிஎல் வந்தாலே பெரும் சர்ச்சையாக வந்துகொண்டிருக்கும். இவர்கள் அவர்களை விம்சிப்பதும், அவர்கள் இவர்களை விமர்சிப்பதுமாக இருந்து வருகிறது. ஆனால் உண்மையில் விராட் மற்றும் கம்பீருக்கு இடையே எந்த விரோதமும் இல்லை. இவர்களது போட்டி கிரிக்கெட்டில் தானே தவிர பொது வாழ்வில் கிடையாது. இதனை கம்பீர் ஒரு போட்டியில் கூறியுள்ளார்.

மேலும் கடந்த சில நாட்களுக்கு முன்னர் கூட கம்பீரும் விராட் கோலியின் நட்பு பாராட்டி கொண்டனர். மேலும் விராட் கோலி கூட ஒரு பேட்டியில் தனக்கும் கம்பீருக்கும் இடையே சர்ச்சை இல்லாதது ரசிகர்களுக்கு ஏமாற்றத்தை கொடுத்தாக கூறியிருந்தார். இந்நிலையில் தான் கம்பீர ஆர்சிபி குறித்து பேசியதை மீண்டும் நினைவு கூர்ந்துளார்.

அவர் கூறியதாவது : உண்மையில் நான் பல வருடங்களுக்கு முன்பு கூறியது அது. ஆனால் அந்த கிளிப் பலமுறை மீண்டும் மீண்டும் ஒளிபரப்புகிறார்கள். பரவாயில்லை மக்கள் டிஆர்பிக்காக அப்படி செய்கின்றனர். அவர்கள் தங்கள் டிஆர்பியை வைத்திருக்க முடியும். அந்த கிளிப்பில் ஆர்சிபி தரம் உள்ளவர்கள் என்றும், அவர்களை வெல்ல விரும்புகிறேன் என்றும் கூறியிருந்தேன். இன்றும், நான் அவர்களை வெல்ல விரும்புகிறேன்.

ஆனால் அது RCB மட்டுமல்ல, நேர்மையாக. நான் எந்த அணிக்கு எதிராக விளையாடுகிறேன் என்பது முக்கியமில்லை, ஒவ்வொரு எதிரியையும் வீழ்த்த வேண்டும். என்னுடைய ஆசையும் அதுதான். ஒவ்வொரு எதிராணியும் எங்களை வீழ்த்த விரும்புவார்கள். நீங்கள் ஒன்று சொல்லுங்கள், எந்த ஒரு கிரிக்கெட் வீரரும் மற்ற 8 அணிகள் விடுத்து ஒரு குறிப்பிட்ட அணியை மட்டும் வெல்ல விரும்பவில்லை என்று கூறியது உண்டா.

நான் 9 அணிகளையும் தோற்கடிக்க விரும்புகிறேன். 9 அணிகளும் எங்களை தோற்கடிக்க விரும்புகின்றன. இறுதியில், 1 வெற்றியாளர் மட்டுமே இருப்பார், ஆனால் அதற்கு ஒரு திருப்பத்தை கொடுக்க நான் என் கனவில் அவர்களை வெல்ல விரும்புகிறேன். எனது கனவில் கூட ஒவ்வொரு அணியையும் வீழ்த்த விரும்புகிறேன். எங்களின் அடுத்த போட்டி குஜராத்திற்கு எதிராக இருந்தால், எனது கனவில் குஜராத்தை வீழ்த்த விரும்புகிறேன்.

உண்மையைச் சொல்வதானால் டெல்லி, சிஎஸ்கே அல்லது ஆர்சிபி என எந்த அணியுடனும் எனக்கு தனிப்பட்ட போட்டி எதுவும் இல்லை. என்னைப் பொறுத்தவரை அந்த ட்விஸ்ட் முடிக்கப்பட வேண்டும் என்று நினைக்கிறேன், ஏனென்றால் நான் அதை உணர்ந்தேன், அந்த பேட்டியிலும் நான் அதைச் சொன்னேன். RCB ஒரு தரமான அணியாகும் அதை நான் மதிக்கிறேன் என்று கூறினார் கம்பீர்.