குஜராத் அணியின் அடுத்த கேப்டனாக கேன் வில்லியம்சன் இருந்து இருக்க வேண்டும் – ஹர்ஷா போக்லே.

குஜராத் அணியின் கேப்டனாக 24 வயதில், ஷுப்மான் கில் ஐபிஎல்லில் தனது முதல் கேப்டன் பதவியைப் பெற்றார். திங்களன்று, ஹர்திக் பாண்டியா வெளியேறியதைத் தொடர்ந்து குஜராத் டைட்டன்ஸ் தனது புதிய கேப்டனாக குஜராத் அணி நியமித்து உள்ளது.
குஜராத் அணியை IPL 2022 டைட்டில் மற்றும் IPL 2023 இல் இரண்டாம் இடத்தைப் பிடித்த ஹர்திக் பாண்டியா, 2015 முதல் 2021 வரை 7 சீசன்களைக் கழித்த மும்பை இந்தியன்ஸுடன் மீண்டும் இணைந்தார்.

மும்பை அணியில் அவர் இடம் பெறுவதற்காக கேமரூன் க்ரீனை பெங்களூரு அணி வங்கியுள்ளது. ஹர்திக் திரும்பி வர அவர்களின் பழைய அணிக்கு இணைந்த பின் உடனடியாக குஜராத் டைட்டன்ஸ் தனது புதிய கேப்டனாக ஷுப்மான் கில்லை அறிவிப்பதில் நேரத்தை வீணடிக்கவில்லை. ஹர்திக் கேப்டனாக இருந்த போது கேன் வில்லியம்சன் மற்றும் துணை கேப்டனாக இருந்த ரஷித் கானை விட 24 வயதான கில் கேப்டனாக தேர்வு செய்யப்பட்டார்.

ஷுப்மான் கில் இளமையாக இருக்கிறார், ஒளிமயமான எதிர்காலம் கொண்டவர், ஒரு நாள் இந்தியாவின் கேப்டனாகவும் முடியும். எனவே வெளிநாட்டு வீரர்களான வில்லியம்சன் மற்றும் ரஷித் ஆகியோரை விட கில்லுக்கு ஆதரவாக வாக்குகள் விழுந்தன. இருப்பினும், குஜராத் அணியின் கேப்டனாக கேன் வில்லியம்சன் இருந்திருக்க வேண்டும் என்றும், ஒரு சீசனுக்கு கில் துணை கேப்டனாக இருந்திருக்க வேண்டும் என்றும் ஹர்ஷா போக்லே கருத்து தெரிவித்து இருந்தார்.

வர்ணனையாளர் ஹர்ஷா போக்லே 24 வயதில் கில் புதிய GT கேப்டனாக நியமிக்கப்பட்டது குறித்து தனது கருத்துக்களை ட்விட்டரில் வெளிப்படுத்தினார். கில் ODI அணியில் தனது இடத்தை உறுதிப்படுத்தியுள்ளார், ஆனால் இன்னும் டெஸ்ட் மற்றும் T20I இல் தொடர்ந்து விளையாடவில்லை என்று போக்லே சுட்டிக்காட்டினார். வில்லியம்சனின் கீழ் ஒரு சீசனில் துணைக் கேப்டனாக இருந்து கில் அதிகப் பலன் அடைந்திருக்கலாம் என்று போக்லே கருதுகிறார்.

“சுப்மான் கில் வாழ்க்கை கொஞ்சம் வேகமாக நகர்கிறது என்று நினைக்கிறேன். அவர் ஒரு சிறந்த வருடத்தை ஒரு பேட்டராகக் கொண்டிருந்தார், அடுத்த சில மாதங்களில் தென்னாப்பிரிக்காவில் ஒரு டெஸ்ட் தொடர் மற்றும் T20 உலகக் கோப்பையுடன் அவர் தனது இடத்திற்கு போட்டியாக அடுத்த படியை எடுக்க வேண்டும். ஐபிஎல் 2025 இல் கேப்டனாக இருக்கும் நோக்கில் ஜிடியில் ஒரு வருடம் கேன் வில்லியம்சனிடம் படிப்பது அவருக்கு பலனளித்திருக்கலாம்” என்று போக்லே ட்வீட் செய்துள்ளார்.

I think life is moving a little too fast for Shubman Gill. He has had a great year as a batter and he needs to take that next step forward in the next few months with a test series in South Africa and a T20 World Cup where he has competition for his place. It might have…

— Harsha Bhogle (@bhogleharsha) November 27, 2023

சுப்மன் கில் 2018 ஆம் ஆண்டு KKR க்காக மீண்டும் ஐபிஎல்லில் அறிமுகமான ஷுப்மான் கில் ஐபிஎல்லில் கேப்டனாகும் முதல் வாய்ப்பு இதுவாகும். அவர் ஐபிஎல் 2023 இல் 3 சதங்கள் உட்பட 890 ரன்களுடன் அரஞ்சு கேப் ஹோல்டராக இருந்தார். கில் இதற்கு முன்பு துலீப் டிராபி மற்றும் தியோதர் டிராபியில் இந்திய உள்நாட்டு அணிகளை வழிநடத்தியுள்ளார்.