“எனக்கு பாகிஸ்தான் அணி அரை இறுதி போட்டியில் இந்திய அணியை சந்திக்க வேண்டும்” – கங்குலி.

லீக் கட்டத்தில் அனைத்து போட்டிகளும் கிட்ட தட்ட முடிவடைந்த நிலையில் அணிகளுக்கும் இன்னும் ஒரு ஆட்டம் மட்டுமே உள்ளது. புள்ளிப்பட்டியலில் இந்தியா முதலிடத்தைப் பிடித்துள்ளது மற்றும் அரையிறுதியில் 4வது இடத்தைப் பிடிக்கும் அணியை எதிர்கொள்ளும். தென்னாப்பிரிக்காவும், ஆஸ்திரேலியாவும் 2வது மற்றும் 3வது இடத்தைப் பிடிக்கும் வகையில் அரையிறுதிப் போட்டியை உறுதிப்படுத்தியுள்ளன.

4வது இடத்துக்கு, நியூசிலாந்து, பாகிஸ்தான், ஆப்கானிஸ்தான் ஆகிய மூன்று அணிகள் இன்னும் மோதலில் உள்ளன. இந்த மூன்று அணிகளும் தலா 8 புள்ளிகளைப் பெற்றுள்ளன, NRR விகிதத்தை மட்டுமே புள்ளி பட்டியலில் அடுத்தடுத்து இருக்கின்றது. நியூசிலாந்து மற்றும் ஆப்கானிஸ்தான் ஆகிய இரு அணிகளும் தங்களின் இறுதிப் போட்டியை விளையாடிய பிறகு பாகிஸ்தான் அணிகள் விளையாடும். எனவே பாபர் அசாம் அணிக்கு அரையிறுதித் தகுதிக்கான கடைசி சூழ்நிலையை அறிந்துகொள்ளும் வாய்ப்பு கிடைக்கும்.

இது குறித்து பேசிய முன்னாள் தொடக்க ஆட்டக்காரர் சவுரவ் கங்குலி இந்தியா-பாகிஸ்தான் அரையிறுதியில் விளையாடும் என்று எதிர் பார்த்து இருகின்றார். சச்சின் டெண்டுல்கரின் 85* ரன்களில் மொஹாலியில் பாகிஸ்தானை வீழ்த்தி, கோப்பையை கைப்பற்றிய 2011 அரையிறுதிக்குப் பிறகு இந்தியாவும் பாகிஸ்தானும் ஐசிசி ஆடவர் ஒருநாள் உலகக் கோப்பையில் நாக் அவுட் போட்டியில் சந்திக்கவில்லை. “பாகிஸ்தான் அரையிறுதிக்கு வந்து இந்தியாவுடன் விளையாட வேண்டும் என்று நான் விரும்புகிறேன். அதை விட பெரிய அரையிறுதியாக இது இருக்க முடியாது, ”என்று சௌரவ் கங்குலி கூறியுள்ளார்.

2023 உலகக் கோப்பையின் அரையிறுதியில் இந்தியாவும் பாகிஸ்தானும் சந்தித்தால், அது கங்குலியின் சொந்த நகரமான கொல்கத்தாவில் நடைபெறும் என்பதால், முன்னாள் பிசிசிஐ தலைவரான சவுரவ் கங்குலிக்கு அது இரட்டிப்பு மகிழ்ச்சியாக இருக்கும். இந்தியா பாகிஸ்தானைத் தவிர வேறு எந்த அணியையும் எதிர்கொண்டால், அந்த அரையிறுதி மும்பையில் விளையாடப்படும், ஏனெனில் பாகிஸ்தான் அணி மகாராஷ்டிரா செல்ல அவர்களுக்கு அனுமதிக்கப்படவில்லை.

இதுவரை 8 லீக் ஆட்டங்களில் இந்தியா 8-ல் வெற்றி பெற்றது குறித்து சவுரவ் கங்குலி கூறுகையில், “இந்தியா விளையாடும் விதத்தில் ஒட்டுமொத்த தேசமும் மகிழ்ச்சியாக உள்ளது. 8 ஆட்டங்களில் அவர்கள் விளையாடிய விதம், மற்ற அணிகளில் இருந்து பெரிய இடைவெளி இருப்பது தெரிகிறது. அவர்கள் இப்படி விளையாடுவார்கள் என்று நம்புகிறேன். அவர்கள் திடீரென்று மோசமான கிரிக்கெட்டை விளையாடத் தொடங்கும் அளவுக்கு நிலை கடுமையாக குறையும் என்று நான் நினைக்கவில்லை. அவை மிகவும் அழகாக இருக்கின்றன என்றும் அவர் கூறி இருந்தார்.