விராட் கோலியிடம் தயங்கினேன்… ரோஹித் ஒரு நல்ல மனிதர் – இந்தியாவின் பீல்டிங் பயிற்சியாளர் ஓபன் டாக்.

இந்திய அணியின் தலைமை பதவியில் இருந்து ரவி சாஸ்திரி விலகிய பிறகு பேட்டிங் பயிற்சியாளர் தவிர மற்ற அனைத்து பயிற்சியாளர்களுமே நீக்கப்பட்டார்கள். அவர்களுக்கு பதிலாக தலைமை பயிற்சியாளரான ராகுல் ட்ராவிட், பவுலிங் பயிற்சியாளராக பராஸ் மம்புரே மற்றும் பேட்டிங் பயிற்ச்சியாளராக திலீப் உள்ளிட்டோர் சேர்ந்தனர். இந்நிலையில் தான் இந்திய அணியின் சுழற்பந்து வீச்சாளரான அஸ்வின் பீலிங் பயிற்சியாளர் திலீப்பை தன்னுடைய யூடியூப் பக்கத்தில் பேட்டி எடுத்திருந்தார்.

இதில் பேசிய அவர் கூறுகையில் “விராட் கோலி சூப்பர் ஸ்டாராக இருப்பதால் அவரை அணுக நான் கொஞ்சம் தயங்கினேன். ஆனால் கோவிட் காலங்களில், நாங்கள் காலை உணவு மேஜை, இரவு உணவு மேஜையில் சந்திப்போம். ஃபீல்டுக்கு வெளியே காபி குடுக்கும் போதும் நாங்கள் வெவ்வேறு விஷியங்களை பற்றி விவாதித்தோம். மைதானத்திற்கு வெளியே அவருடன் நேரம் செலவழித்ததில், அவர் ஒரு அற்புதமான மனிதர் என்பதை நான் புரிந்துகொண்டேன் என்று நினைக்கிறேன்.

அவரிடம் சரியான நேரத்தில் நீங்கள் அணுகி சரியான விஷயங்களைச் சொல்ல முடிந்தால் அவரிடம் நீங்க்ள் நிறைய அதிக தகவல்களை கொடுக்க முடியம். நீங்கள் அவரைத் தெரிந்துகொள்ள வேண்டும் என்றார் உண்மையிலேயே அவருடன் அதிக நேரத்தைச் செலவிட வேண்டும் என்று நான் நினைக்கிறேன் என்றார் திலீப்.

ரோஹித் பற்றி திலீப் :

மேலும் ரோஹித் சர்மா பற்றி பேசிய டி திலீப், இந்திய கேப்டன் ஒரு சிறந்த மனிதர் என்று கூறினார். ரோஹித் தனது சக வீரர்களுடன் நேரத்தை செலவிட விரும்புவதாக அவர் கூறினார். இது குறித்து வர பேசுகையில் “ரோஹித் ஷர்மா ஒரு அற்புதமான மனிதர் என்று நான் நினைக்கிறேன். அவருடன் நான் பார்த்த மிகப் பெரிய விஷயம் என்னவென்றால், அவர் வீரர்களுடன் நேரத்தை செலவிட விரும்புகிறார் மற்றும் அவர்களை இன்னும் கொஞ்சம் தெரிந்து கொள்ள விரும்புகிறார் என்றார் டி திலீப்.

இதே போல இந்திய அணியின் சிறந்த சுழற்பந்து வீச்சாளரான ரவிச்சந்திரன் அஸ்வினும் ரோஹித் சர்மாவை சமீபத்தில் கொடுத்திருந்த பேட்டியில் பாராட்டியிருந்தார். அவர் கூறுகையில் “வீரர்கள் மீதான அவரது ஆதரவு மற்றும் அவர்களுக்கு நம்பிக்கை கொடுப்பதிலும், வீரர்களை புரிந்து கொல்வதிலும் அவர் ஒரு முன்மாதிரியாக இருக்கிறார். அதனால்தான் அவர் பல பட்டங்களை வென்றுள்ளார் என்றார் ரவிச்சந்திரன் அஸ்வின்.

இந்தியா vs வெஸ்ட் இண்டீஸ் :

இதற்கிடையில் இந்தியாவின் தற்போது மேற்கிந்திய தீவுகளுக்கு எதிரான சுற்றுப்பயணம் இரண்டு போட்டிகள் கொண்ட டெஸ்ட் தொடர், மூன்று போட்டிகள் கொண்ட ஒருநாள் தொடர் மற்றும் ஐந்து போட்டிகள் கொண்ட T20I தொடர் ஆகியவற்றைக் கொண்டுள்ளது. முதல் டெஸ்ட் ஜூலை 12 முதல் 16 வரையிலும், இரண்டாவது டெஸ்ட் ஜூலை 20 முதல் 24 வரையிலும் நடைபெறும். ஒருநாள் போட்டிகள் ஜூலை 27, ஜூலை 29, ஆகஸ்ட் 1 ஆகிய தேதிகளிலும் டி20 போட்டிகள் ஆகஸ்ட் 3, 6, 8, 12 மற்றும் 13 ஆகிய தேதிகளில் நடைபெற உள்ளன.