உலக கோப்பையில் 5,6 இடத்தில் இவர்களை போடுங்கள் – அஸ்வின் கொடுக்கும் ஐடியா.

இந்திய அணியாது வெஸ்ட் இண்டீஸ் சுற்றுப்பயணத்தை முடித்த நிலையில் அடுத்ததாக அயர்லாந்து டி20 தொடரில் விளையாடி வருகிறது. மேலும் இந்த தொடரில் ரோஹித் சர்மா, கோலி போன்றவர்கள் ஓய்வு எடுத்துள்ள நிலையில் பும்ரா கேப்டனாகவும், ருதுராஜ் கெய்க்குவாட் துணை கேப்டனாகவும் பங்குபெற்றுள்ளனர். மேலும் இந்த தொடரில் ஐபிஎல் போட்டிகளில் சிறப்பாக செயல்பாட்டை ரிங்கு சிங், ஜிதேஷ் சர்மா, சிவம் துபே போன்ற பல இளம் வீரர்களுக்கு வாய்ப்பு வழங்கப்பட்டுள்ளது.

மேலும் இந்த வாய்ப்பை பயன்படுத்தி இந்திய அணியில் வெகுகாலமாக இருக்கும் சில பிரச்சனைகளை இந்திய அணி தீர்க்க முயற்சி செய்கிறது. இதனால் அடுத்த வருடம் வரும் டி20 உலக கோப்பை போட்டியில் இந்தியா சிறப்பாக செயல்பட சரியான வீரர்களை தேர்ந்தெடுக்க முடியும். இந்த நிலையில் தான் டி20 அணி குறித்து பேசியுள்ளார் இந்தியாவின் சுழற்பந்து வீச்சாளர் அஸ்வின்.

அவர் கூறுகையில் “இந்த ஐபிஎல் சீசனில் அதிரடியான கடைசி ஓவர் முடிவில் ரிங்கு சிங் அனைவரின் மனதையும் கவர்ந்துள்ளார். இந்த சீசனில் தனது வெற்றிக் கதையின் மூலம் இந்த ‘பக்கத்து வீட்டு பையன்’ போல ரிங்கு சிங் ஆகிவிட்டார். இந்தத் தொடரில் ஒரு நியமிக்கப்பட்ட ஃபினிஷராக அவரைத் தேர்ந்தெடுத்து அழகுபடுத்துவார்களா? என்று நாங்கள் காத்திருந்து பார்க்க வேண்டும்.

கடந்த இரண்டு சீசன்களில் சிறப்பாக செயல்பட்ட மற்றொரு பரபரப்பான ஃபினிஷர் ஜிதேஷ் ஷர்மா. அவர் ஒரு வலது கை வீரர் மறுபுறம் ரிங்கு சிங் ஒரு இடது கை வீரர். ஜிதேஷ் சர்மா மற்றும் ரிங்கு சிங் ஆகிய இருவரும் அணியில் 5 மற்றும் 6 இடங்களில் பொருந்தக்கூடியவர்கள்.

இருப்பினும், ஜிதேஷ் ஷர்மாவை விட சஞ்சு சாம்சன் கீப்பராக ஒப்புதல் பெறுவார் என்று நான் நினைக்கிறேன். சஞ்சுவை கீப்பராக விளையாட வைத்து அவரை 3வது இடத்தில் பேட் செய்ய இந்தத் தொடர் ஒரு நல்ல வாய்ப்பாக இருக்கும். அவர் நிச்சயமாக 3 அல்லது 4வது இடத்தில் திறமையாக பேட் செய்வார். சஞ்சு சாம்சன் எப்படி டாப்-ஆர்டர் பேட்டர் என்பதும் டி20யில் 6-வது இடத்தைப் பிடித்தார் என்பதும் தற்போது மற்றொரு விவாதமாக இருக்கிறது.

இந்திய அணியின் முதல் 4 பேர் இந்த நேரத்தில் மிகவும் கடினமாக இருந்தனர். தேர்வாளர்களுக்கு அந்த இடத்தில் பிரச்னை இருப்பதுபோல தெரிந்தது. எங்களுக்கு விராட், ரோஹித் இருந்தனர். இப்போது எங்களிடம் சுப்மான் கில் உள்ளனர். எங்களிடம் ஷ்ரேயாஸ் ஐயரும் இருந்தார்கள். சஞ்சுவை எப்படி முதல் 4 இடங்களுக்குள் சேர்த்திருப்போம் கேள்வி எழுந்தது? அதனால்தான் அவர்கள் சஞ்சுவை அந்த இடத்தில் முயற்சி செய்தனர் என்றார் அஸ்வின்.