சாம்பியன் மும்பையை வீழ்த்திய ஆர்சிபி அணி கோலாகலமான கொண்டாட்டம் மற்ற வீரர்களுடன் சேர்ந்து நடனமாடிய விராட் வைரல் வீடியோ

ஐபிஎல் வரலாற்றில் மிகவும் சூடான போட்டியான ஆர்சிபி மற்றும் மும்பை இந்தியன்ஸ் இடையே ஞாயிற்றுக்கிழமை சின்னசாமி ஸ்டேடியத்தில் நடைபெற்றது. பரபரப்பான இந்த ஆட்டத்தில், ஒரு பக்கம் விராட் கோலி பந்து வீச்சாளர்களின் பொறுமையை சோதித்தார். மறுபுறம் மும்பை இந்தியன்ஸ் கேப்டன் ரோஹித் சர்மா மீண்டும் தோல்வியை சந்திக்க வேண்டியிருந்தது. இந்நிலையில் இந்த போட்டிக்கு பிறகு ஆர்சிபி கொண்டாடிய வீடியோ தான் தற்போது சோசியல் மீடியாவில் வைரலாகி வருகிறது.

இந்தப் போட்டியின் முடிவு எந்த வழியில் செல்லும் என்பது முதல் இன்னிங்ஸ் முடியும் வரை புரியவில்லை ஏனென்றால் திலக் மிகவும் பிரமாதமாக ஆடி 171 என்ற இலக்கை ஆர்சிபிக்கு வைத்தார். ஆனால் விராட் கோலி மற்றும் கேப்டன் ஃபாஃப் ஆர்சிபியை தொடங்கிய வுடன் அந்த சந்தேகம் தீர்ந்தது. இப்போட்டியில் முதலில் பேட்டிங் செய்த மும்பை இந்தியன்ஸ் அணி 20 ஓவர்களில் 171 ரன்கள் எடுத்தது. மும்பை அணிக்காக திலக் வர்மா ஆட்டமிழக்காமல் 84 ரன்கள் எடுத்தார். அதேசமயம் மற்ற பேட்ஸ்மேன்கள் ஆர்சிபி பந்துவீச்சாளர்களுக்கு முன்னர் ரன்கள் எடுக்க முடியாமல் திணறினர்

பேட்டிங்கிற்கு கடினமானதாக கருதப்படும் இந்த ஆடுகளத்தில் விராட் கோலியின் முன் இந்த இலக்கு மிகவும் சிறியதாக இருந்தது. கேப்டன் ஃபாஃப் உடன் விராட் கோலி 148 ரன்கள் பார்ட்னர்ஷிப்பை பகிர்ந்து கொண்டார். இதன் போது ஃபாஃப் 73 ரன்கள் எடுத்த நிலையில் அர்ஷத் கான் பந்தில் டிம் டேவிட்டிடம் கேட்ச் கொடுத்து அவுட்டானார். விராட் கோலி இன்னிங்ஸ் விளையாடி 49 பந்துகளில் 82 ரன்கள் எடுத்து ஆட்டமிழக்காமல் இருந்தார், இதனால் ஆர்சிபி 8 விக்கெட் வித்தியாசத்தில் வெற்றி பெற்றது.

வெற்றி கொண்டாட்டத்தின் வீடியோ :

இந்த நிலையில் மும்பைக்கு எதிரான வெற்றியை ஆர்சிபி சொந்த மைதானத்தில் அதுவும் ஆர்சிபி ரசிகர்கள் அதிகம் இருக்கும் மைதானத்தில் கோலாகலமாக ஆர்சிபி அணி கொண்டாடியது. அப்படியொரு நிலையில் தான் வெற்றி கொண்டாட்டத்தின் வீடியோ RCB இன் அதிகாரப்பூர்வ ட்விட்டர் பக்கத்தில் பகிரப்பட்டுள்ளது. இதில் கேப்டன் டு பிளெசிஸ் முதலில் வெற்றிக்காக ஒரு பாடலை பாட அணியின் வீரர்கள் அனைவரும் இணைந்த கொண்டாடினர்கள்.

RCB v MI: Dressing Room Victory Celebration

Captain Faf leads from the front off the field as well, as the team prepares to bring finesse into the team song. Here’s more from last night’s win against MI.#PlayBold #ನಮ್ಮRCB #IPL2023 pic.twitter.com/h8JnkaIn97

— Royal Challengers Bangalore (@RCBTweets) April 3, 2023

இந்த கொண்டாட்டத்தின் போது ஆர்சிபி அணியின் கேப்டன் டு பிளெசிஸ் விராட் கோலியை மடியில் தூக்கிக்கொண்டு நடனமாடினார். வெற்றி மிகவும் பிரமாண்டமாக இருந்ததால், கொண்டாட்டமும் கோலாகலமாக கொண்டாடப்பட்டது. ஆர்சிபி வீரர்கள் டிரஸ்ஸிங் ரூமை ஆர்சிபி-ஆர்சிபி என்று கோஷம் போட்டனர். இந்த வீடியோ தற்போது சோசியல் மீடியாவில் வைரலாகி வருகிறது.