நேத்து என்ன ஒரு சத்தம்.. இவருக்கு இருக்க மாறி ரசிகர்கள் வேற யாருக்கும் இருக்க மாட்டங்க போலேயே – ரசலின் இன்ஸ்டாகிராம் ஸ்டோரி

உலக கிரிக்கெட் ரசிகர்கள் அனைவரும் எதிர்பார்த்து காத்துக் கொண்டிருந்த ஐபிஎல் 2024 மார்ச் 22 முதல் தொடங்கி தற்போது வரை கோலாகலமாக நடைபெற்று வருகிறது. அதில் நேற்று 22வது போட்டியில் சென்னை சூப்பர் கிங்ஸ் அணியும் கொல்கத்தா நைட் ரைடர்ஸ் அணியும் சென்னை சேப்பாக்கம் மைதானத்தில் மோதியது. இதற்க்கு முன்பு சென்னை அணி அடுத்தடுத்து இரண்டு போட்டிகளில் தோல்வியை தழுவி இன்றைய போட்டியில் வெற்றி பெறவேண்டிய கட்டயாத்தில் இருந்தது வந்தது. அந்த அழுத்தம் இந்த போட்டியில் இருந்து வெளியேறியது.

நேற்றைய போட்டியில் டாஸ் வென்று சென்னை அணியின் கேப்டன் ருதுராஜ் முதலில் பௌலிங்கை தேர்வு செய்து இருந்தார். சென்னை அணியின் பந்து வீச்சாளர்கள் சிறப்பாகவே அவர்களது பணியை செய்து இருந்தார்கள்.கொல்கத்தா அணியின் பேட்ஸ்மேன்களுக்கு பேட்டில் பந்து படவே இல்லை. இறுதியில் கொல்கத்தா அணியால் 20வது ஒவர்கள் முடிவில் 9 விக்கெட்டுகளை இழந்து 137 ரன்களை மட்டுமீ அடித்து இருந்தது.

கொல்கத்தா அணியின் அதிகபட்சமாக கேப்டன் ஸ்ரேயாஸ் ஐயர் 34 ரன்களும் நரைன் 27 ரன்களும் ரகுவான்ஷி 24 ரன்களையும் அடித்து இருந்தனர். மற்ற வீரர்களால் பெரிதாக ரன்களை குவிக்க முடியவில்லை. இதில் சென்னை அணி சார்பில் ஜடேஜா மற்றும் தேஷ்பாண்டே மூன்று விக்கெட்டுகளையும் முஸ்தபீசூர் ரஹ்மான் இரண்டு விக்கெட்டுகளையும் தீக்ஷனா ஒரு விக்கெட்டையும் வீழ்த்தி இருந்தார்.

அதன் பின் 138ரன்களை இலக்காக் கொண்டு களமிறங்கிய சென்னை அணி ஆரம்பத்தில் இருந்தே சிறப்பான பேட்டிங்கை வெளிப்படுத்தி இருந்தனர். அதன் விளைவாக சென்னை அணி 17.4 ஓவர்கள் முடிவில் 141 ரன்களை எடுத்து 7 விக்கெட்டுகள் வித்தியாசத்தில் வெற்றி பெற்றது. இதில் சென்னை அணியின் கேப்டன் ருதுராஜ் கெய்க்வாட் 67 ரன்களையும் துபே 28 ரன்களையும் மிட்சல் மார்ஷ் 25 ரன்களையும் எடுத்து இருந்தனர். கொல்கத்தா அணியின் சார்பில் நரைன் மற்றும் அரோரா தலா ஒரு விக்கெட்டுகளை மட்டுமே வீழ்த்தி இருந்தனர்.

சென்னை அணி அடுத்தடுத்து இரண்டு தோல்விகளில் இருந்து இந்த வெற்றியின் மூலம் மீண்டு வந்துள்ளது. இந்த வெற்றி கொல்கத்தா அணியின் அடுத்தடுத்து வெற்றிகளுக்கு தடையாக இந்த தோல்வி கொல்கத்தா அணிக்கு அமைந்தது. இந்த போட்டியில் கேப்டன் ருதுராஜ் தனது கேப்டன்சியில் முதல் அரை சதத்தை அடைத்து இருந்தார். அது மட்டுமல்லாமல் சென்னை அணிக்காக கேப்டனாக ஐந்து வருடங்களுக்கு பிறகு இன்று தான் ஒரு அரை சதத்தை பதிவு செய்து இருந்தார்.

இந்த போட்டியின் இடையில் தோனி களமிறங்கும் போது அதிக அளவில் சத்தம் ஏற்பட்டது. அப்போது ஆண்ட்ரே ரசல் தனது இரு காதுகளையும் சத்தம் தங்கி கொள்ள முடியாமல் மூடிகொண்டார். அதன் பின் தோனி குறித்து ஆண்ட்ரே ரசல் அவருடைய இன்ஸ்டாகிராம் பக்க்கத்தில் தோனி குறித்து அவர் ஸ்டோரி கூறுகையில் உலகில் அதிகம் நேசிக்கும் வீரர் என்றால் அது தோணியாக தான் இருப்பார் என்றும் தோனியை புகழ்ந்து ஆண்ட்ரே ரசல் கூறியிருந்தார்.