தோனியின் பாணியில் வெற்றியை கொண்டாடிய நேபாள அணி வீரர் – வரலாற்றில் முதல் முறை ஆசிய கோப்பைக்கு தகுதி பெற்றது.

ஆசிய கோப்பை 2023-ம் ஆண்டுக்கான போட்டி இந்த வருடம்  நடைபெற உள்ளது. இந்த போட்டியின் ஒரு பகுதியாக, ஏ.சி.சி ஆண்கள் பிரீமியர் கோப்பை 2023 இன் இறுதி ஆட்டம் நேபாளம் மற்றும் ஐக்கிய அரபு எமிரேட்ஸ் ஆகிய அணிகளுக்கு இடையே நடைபெற்றது. அங்கு நேபாளம் அபார வெற்றி பெற்று ஆசிய கோப்பைக்கு நேரடியாக தகுதி பெற்றுள்ளது. நேபாளத்தில் மக்களிடையே எப்போதுமே கிரிக்கெட் மீது அதிக ஆர்வம் இருக்கும்,

போட்டியை வென்ற பிறகு, இதே போன்ற கொண்டாட்டம் இருந்தது. தோனி பாணியில் கொண்டாடப்படும் இந்த கொண்டாட்டத்தின் வீடியோ சமூக ஊடகங்களில் மிகவும் பரவி வருகிறது.ஆசிய கோப்பைக்கான தகுதிச் சுற்றுப் போட்டியாக பிரீமியர் கோப்பை போட்டிகள் நடைபெற்றன. போட்டியின் இறுதிப் போட்டி நேபாளத்தின் கீர்த்திபூரில் உள்ள திரிபுவன் பல்கலைக்கழக சர்வதேச கிரிக்கெட் மைதானத்தில் நடைபெற்றது.

Moment hai bhai moment hai!!@CricketNep qualified for @ACCMedia1 Asia Cup!!

What a dominance this has been!!#RoadToAsiaCup #NEPvsUAE pic.twitter.com/BEKDmJKdiU

— Shishir Bhattarai (@sbhattarai12) May 2, 2023

மழை காரணமாக இப்போட்டி தாமதமாக  தொடங்கப்பட்டது, டாஸ் வென்ற நேபாளம் அணி ,போட்டியில் முதலில் பந்துவீச முடிவு செய்தது. இதனையடுத்து களமிறங்கிய ஐக்கிய அரபு அமீரக அணி 33.1 ஓவர்களில் 117 ரன்கள் மட்டுமே எடுத்தது. இந்த சிறிய இலக்கை நோக்கி நேபாள அணி பேட்டிங் செய்தது.இருப்பினும் நேபாளம் மோசமான தொடக்கத்தைக் கொண்டிருந்தது, ஆனால் குல்ஷன் ஜா மற்றும் பீம் ஷார்கி ஆகியோரின் அற்புதமான பார்ட்னர்ஷிப் காரணமாக, அந்த அணி முதல் முறையாக ஆசியக் கோப்பைக்கு தகுதி பெற்றது.

இந்த வெற்றிக்குப் பிறகு, நேபாளத்தின் பேட்ஸ்மேன் பீம், வெற்றிக்கான ரன்களை முடித்த பின்னர், முன்னால் இந்திய அணியின் கேப்டன் எம் எஸ் தோனியின் பாணியில் ஸ்டெம்ப்பை  பிடுங்கி வெற்றியைக் கொண்டாடினார், இந்த வீடியோ சமூக ஊடகங்களில் மிகவும் பரவி வருகிறது வருகிறது. நேபாளம் அணி முதன் முறையாக ஆசிய கோப்பையில் தகுதி பெற்றது நேபாளம் மக்களிடையே மகிழ்ச்சியை ஏற்படுத்தியுள்ளது.