விராட் கோலிக்கு T20 அணியில் இனி இடம் இல்லை. அவருக்கு பதில் இவர் தான் அந்த இடத்தில் விளையாடுவார்.

T20 உலகக் கோப்பை 2024 இன்னும் ஆறு மாதங்களே உள்ள நிலையில் அது குறித்த பேச்சுக்கள் தற்போது எழுந்து வந்துள்ளது. அதில் கோலி மற்றும் ரோஹித் ஷர்மா அணியில் இருப்பார்களா என்பது கேள்வி குறியாகவே உள்ளது. டி20 உலகக் கோப்பையில் ரோஹித் ஷர்மாவை வழிநடத்த வேண்டும் என்று பிசிசிஐ விரும்புவதாக தகவல்கள் தெரிவிக்கின்றன. 2022 டி 20 உலகக் கோப்பையின் அரையிறுதியில் இங்கிலாந்துக்கு எதிராக இந்தியா பத்து விக்கெட் வித்தியாசத்தில் அவமானகரமான தோல்விக்குப் பிறகு கோலி மற்றும் ரோஹித் இருவரும் ஒரு டி 20 ஐ கூட விளையாடவில்லை என்பது குறிப்பிடத்தக்கது.

மூன்றாவது இடத்திற்கு விராட் கோலிக்கு பதில் யாரை விளையாட வைப்பது என்ற கேள்விக்கு இஷான் கிஷனை அந்த இடத்தில் விளையாட வைக்க ஆலோசனை நடத்தி வருகின்றனர்.இஷான் கிஷான் இதுவரை 32 டி20 போட்டிகளில் விளையாடி 796 ரன்களை 25.67 சராசரியிலும், 124.37 ஸ்ட்ரைக் ரேட்டிலும் 6 அரை சதங்களுடன் எடுத்துள்ளார். கிஷான் 2021 டி20 உலகக் கோப்பை இந்திய அணியில் ஒரு பகுதியாக இருந்தார்.

டி 20 உலகக்கோப்பைக்கு முன்னதாக நடைபெறவிருக்கும் ஐபிஎல் 2024 இல் கோலி சிறப்பாக செயல்பட்டால் அவர் தேர்வுக்கு பரிசீலிக்கப்படுவார் என்றும் தகவல்கள் கூறுகின்றது. தேர்வாளர்கள் மற்றும் குழுவின் மற்ற மூத்த உறுப்பினர்கள் 35 வயதான அவரது T20I எதிர்காலம் குறித்து விரைவில் கலந்துரையாடுவார்கள். தென்னாபிரிக்கா அணிக்கு எதிரான டி20 மற்றும் ஒருநாள் போட்டிகளில் ரோஹித் ஷர்மா மற்றும் விராட் கோலி பெயரை இந்திய அணி நிர்வாகம் சேர்த்து கொள்ளவில்லை.

விராட் கோலி டி20ஐ போட்டிகளில் 4008 ரன்கள் மற்றும் டி20 உலகக் கோப்பை (1141) இரண்டிலும் அதிக ரன்கள் எடுத்தவர் மற்றும் போட்டியின் தொடர்ச்சியான பதிப்புகளில் (2014 மற்றும் 2016) போட்டியின் நாயகன் விருதையும் வென்றுள்ளார். எனவே, வரவிருக்கும் உலகக் கோப்பையில் கோலியை நீக்குவது தேர்வாளர்களுக்கு கடினமாக இருக்கும், மேலும் இந்த முடிவு இந்திய கிரிக்கெட் சகோதரத்துவத்தில் அதிர்ச்சி அலைகளை அனுப்ப வாய்ப்புள்ளது என்றும் தகவல்கள் வெளியாகி உள்ளது.

உலகக்கோப்பை இறுதிப் போட்டியில் இந்திய ஐ தோல்வியை தழுவி இருந்தாலும் இந்திய அணி தொடர் முழுவதும் சிறப்பாக செயல்பட்டு இருந்தது. உலககோப்பையில் அதிக ரன்களை அடித்த பட்டியலில் விராட் கோலி முதல் இடத்தில் இருந்து வந்தார். அவர் சில போட்டிகளில் தன்னுடைய தனிப்பட்ட சாதனயைக்காக விளையாடினார் அணிக்காக விளையாடவில்லை அவர் ஒரு சுயநலவாதி என்றும் பலர் அவரை விமர்சித்து இருந்தனர்.

இந்த 2023 உலகக் கோப்பையில் விராட் கோலி ஒரு சாதனை படைத்தார். அவர் விளையாடிய 11 இன்னிங்ஸில் 95.62 சராசரி மற்றும் 90.32 ஸ்ட்ரைக் ரேட்டில் 765 ரன்களை அவர் எடுத்து இருந்தார் உலகக் கோப்பையின் ஒரே பதிப்பில் 700 ரன்களுக்கு மேல் எடுத்த முதல் வீரர் என்ற பெருமையைப் பெற்றார். இதற்கு முன் உலக கோப்பையில் அதிக ரன்கள் குவித்த சாதனை சச்சின் டெண்டுல்கரின் (2003ல் 673 ரன்கள்) சாதனையை அவர் முறியடித்து உள்ளார். அது மட்டுமல்லாமல் சச்சின் டெண்டுல்கரின் ஒருநாள் போட்டிகளில் அதிக சதம் அடித்த வீரர் என்ற சாதனையையும் அவர் முறியடித்து இருந்தார்.