இந்திய அணி ஆரம்பத்தில் மெதுவான தொடக்கத்தை அளித்து இருந்தாலும் அதன் பின் சிறப்பாகவே விளையாடி கொண்டு இருந்தது. ரோஹித் ஷர்மா 14 ரன்களில் ஆட்டம் இழந்து வெளியேறி இந்திய அணி ஏமாற்றத்தை அளித்திருந்தார். அதன் பின்வந்த சுப்மான் கில் 34 ரன்கள் ஆட்டம் இழந்து வெளியேறி தனக்கு அளிக்கப்படும் வாய்ப்பை இழந்து கொண்டே வருகிறார். அதன் பின் ஸ்ரேயாஸ் ஐயர் 27 ரன்களிலும் ஆட்டமிழந்து வெளியேறினர்.
இவர்கள் இரண்டு பேர் மீதும் சமிபத்தில் சில குற்றச்சாட்டுகள் வந்த வண்ணமே உள்ளது இந்த இரண்டு வீரர்களையும் நீக்கி விட்டு இளம் வீரர்களுக்கு வாய்ப்பு அளிக்கலாம் என்று பலர் கருத்துகளை கூறி வந்தனர். ஆனால் இந்த போட்டியில் விராட்கோலிஜடேஜா கே.எல்.ராகுல் ஆகியோர் இல்லாத காரணத்தினால் மட்டுமே இந்த இரண்டு வீரர்களும் இந்த போட்டியில் விளையாடி உள்ளனர். இருப்பினும் அவர்கள் தங்களை நிருப்பிக்க தவறிவிட்டனர்.
இந்திய அணி இன்றைய நாளில் அனைத்து விக்கெட்டுகளையும் இழந்து 396 ரன்களை குவித்து இருந்தது. இதில் ஜெய்ஸ்வால் மட்டுமே தனி ஒரு மனிதராக போராடி 209 ரன்களை குவித்து இருந்தார். இதில் அவர் 19 பவுண்டரிகளும் 7 சிக்சர்களும் அவர் அடித்து இருந்தார். இந்திய அணியின் தூணாக இருந்து இந்திய அணிக்கு ரன்களை குவிக்க உதவி இருந்தார். அதற்க்கு பிறகு அதிகபட்சமாக கில் 34 ரன்களும் படிதார் 32 ரன்களையும் அடித்து இருந்தார். இங்கிலாந்து அணி சார்பில் பந்துவீச்சாளர் அண்டர்சன், அகமது மற்றும் பஷிர் தலா மூன்று விக்கெட்டுகளையும் ஹார்ட்லி ஒரு விக்கெட்டை வீழ்த்தி இருந்தனர்.
WHAT A BALL BY JASPRIT BUMRAH.
— CricketMAN2 (@ImTanujSingh) February 3, 2024
– Bumrah is a Freak, The 🐐…!!!! pic.twitter.com/GYvKiTPk7O
அதன் பின் இன்றைய நாளை தொடங்கிய இங்கிலாந்து அணி ஆரம்பத்தில் சிறப்பான தொடக்கத்தை அளித்து இருந்தனர். இந்திய அணியின் பந்து வீச்சாளர்கள் ஆரம்பத்தில் திணறி இருந்தாலும் அதன் பின் இங்கிலாந்து அணியின் பேட்ஸ்மேன்களை திணற வைத்து வந்தனர். முதல் விக்கெட்டாக பென் டக்கெட் 21 ரன்களும் க்ரேலி 76 ரன்களும் ரூட் 5 ரன்களிலும் போப் 23 ரன்னிலும் ஆட்டமிழந்து வெளியேறினர். அதில் போப் விக்கெட்டை பும்ரா அற்புதமான யார்கரின் மூலம் ஸ்டெம்ப்களை பறக்கவிட்டு இருந்தார். இதில் பும்ரா 2 விக்கெட்டுகளையும் குல்தீப் யாதவ் மற்றும் அக்சர் பட்டேல் 1 விக்கெட்டையும் வீழ்த்தி இருந்தனர்.இங்கிலாந்து அணி தற்போது 155 – 4 என்ற நிலையில் விளையாடி வருகிறது.
