உலக கோப்பை 2023 தொடரானது தற்போது சுவாரசியமான கட்டத்தை எட்டிய நிலையில் அணிகள் பலவும் ஏற்கனவே 4 போட்டிகளை விளையாடிய நிலையில் அவர்களின் பலம் எனது பலவீனம் எனது என்பது குறித்து நன்றாக தெரிந்து வைத்திருக்கின்றனர். இந்நிலையில் நேற்று ஆஸ்திரேலியா vs நெதர்லாந்து அணிகளுக்கு இடையேயான போட்டியானது டெல்லியில் உள்ள அருண் ஜெட்லி மைதானத்தில் நடத்து முடிந்தது.
இந்த போட்டியில் அதிரடியாக ஆடிய ஆஸ்திரேலிய அணி 50 ஓவர்கள் 399 ரன்கள் குறித்து இருந்தனர். இதனையடுத்து களமிறங்கிய நெதர்லாந்து அணியால் அழுத்தத்தை கட்டுப்படுத்த முடியாமல் 9௦ ரன்களில் அனைத்து விக்கெட்டுகளையும் இழந்து 309 ரன்கள் வித்தியசத்தில் மாபெரும் தோல்வியை தழுவியது. இது 48 ஆண்டுகால உலக கோப்பை வரலாற்றில் மிகப் பெரிய வெற்றி இது ஆகும். இதற்கு பலரும் ஆஸ்திரேலிய அணியை பாராட்டி வருகின்றனர்.
இந்த நிலையில் தான் முன்னாள் இந்திய அணியின் வீரரும் வர்ணனையாளருமான ஆகாஷ் சோப்ரா ஆஸ்திரேலிய அணி குறித்து பேசியுள்ளார். அவர் கூறுகையில் “டாஸ் வென்ற ஆஸ்திரேலியா முதலில் பேட்டிங் செய்ய முடிவு செய்து 399 ரன்கள் எடுத்தது. நீங்கள் என்ன செய்கிறீர்கள்? அருண் ஜெட்லி ஸ்டேடியத்தில் சரோஜினி நகர் விற்பனையாக இருந்தாலும், ஒவ்வொரு பந்திலும் பவுண்டரிகளும் சிக்ஸர்களும் அடிக்கப்படுகின்றன. பந்து வீச்சாளர்கள் இங்கு வரமாட்டோம் என்று கூறுகிறார்கள்.
யார் அடிக்க ஆரம்பித்தாலும் நிறுத்தவே இல்லை. டேவிட் வார்னருடன் மிட்செல் மார்ஷ் ஓப்பனிங் செய்ய வந்தார். மிட்செல் மார்ஷ் ஒரு மோசமான ஷாட்டை ஆடினார், ஆனால் டேவிட் வார்னர் தனது அற்புதமான ஆட்டத்தின் மூலம் மீண்டும் பாதையில் வந்துவிட்டதாகவும், அதை இப்போது தடம் புரள விடமாட்டேன் என்றும் கூறினார். கடந்த போட்டியில் ஒரு சதம், இங்கேயும் சதம் என அவர் சிறப்பாக ஆடி வருகிறார்
244/2 என்ற நிலையில் அவர் அவுட் ஆனபோது ஆஸ்திரேலியா கொஞ்சம் நழுவி 267/5 ஆனது. ஸ்டீவ் ஸ்மித் சிறப்பாக விளையாடினாலும் விக்கெட்டுகள் ஒன்றன் பின் ஒன்றாக விழுந்தன. அவர் ரன்களை எடுக்க வேண்டியிருந்தது, அவரும் இறுதியாக தனது ரிதத்தை பெற்றார். மார்னஸ் லாபுசேன் ரன்களும் எடுத்தனர். எனவே கவனம் செலுத்திய அனைவரும் இந்தப் போட்டியில் சிறப்பாக செயல்பட்டனர்.
மேலும் பேசிய அவர் மேக்ஸ்வெல் குறித்தும் பேசியிருந்தார். அவர் கூறுகையில் “ஆஸ்திரேலியா 290/6 என்ற நிலையில் இருந்த போது அவர்கள் 350 ரன்களை எட்டினால் அது பெரிய விஷயம் என்று தோன்றியது. ஆனால் பின்னர் கிளென் மேக்ஸ்வெல் என்ற புயல் வந்தது – 40 பந்துகளில் ஒரு சதம் அடித்தார். மேக்சிமஸ், மேக்ஸிமம், மேக்ஸ்வெல், பெரிய ஷோ என அவரை பாராட்ட வார்தைகளே இல்லை. அவர் வேகப்பந்து வீச்சாளர்களுக்கு எதிராக சுவிட்ச் ஹிட்களுடன் சிக்ஸர்களை அடித்தார் என்று கூறியுள்ளார் ஆகாஷ் சோப்ரா.
