நடந்து முடிந்த ஐபிஎல் 2023 தொடரில் சென்னை சூப்பர் கிங்ஸ் அணியின் கேப்டனை தோனிக்கு முழங்காளில் காயம் இருந்த போதிலும், ஐபிஎல் போட்டியின் வரலாற்றில் சென்னை சூப்பர் கிங்ஸ் ஐந்தாவது பட்டத்திற்கு எம்எஸ் தோனி வழிகாட்டினார். மேலும் 41 வயதான அவர் ஐபிஎல் 2023 இல் 182.46 ஸ்ட்ரைக் ரேட்டில் 104 ரன்கள் எடுத்தார். இந்நிலையில் போட்டி முடிந்ததும் தோனி தன்னுடைய முழங்காலில் அறுவை சிகிச்சை செய்து கொண்டார்.
இந்நிலையில் இந்த அறுவை சிகிச்சை வெற்றிகரமான நடந்து முடிந்த போதிலும் அடுத்த ஆண்டு சென்னை சூப்பர் கிங்ஸ் அணிக்காக விளையாடுவாரா? என்ற கேள்வி ரசிகர்கள் மத்தியில் எழுந்துள்ளது. இருந்த போதிலும் தான் அடுத்த வருடம் என்னுடைய ரசிகர்களுக்கு விளையாட வருவேன் என்று கூறியிருந்தார். இந்நிலையில் தான் தோனி குறித்து சென்னை அணியில் CEO காசி விஸ்வநாதன் சமீபத்தில் பேட்டி ஒன்றில் பேசியுள்ளார்.
அந்த பேட்டியில் “நீங்கள் விளையாட விரும்புகிறீர்களா அல்லது வெளியே உட்கார விரும்புகிறீர்களா போன்ற விஷயங்களை நாங்கள் தோனியிடம் ஒருபோதும் கேட்டதில்லை. அவரால் முடியவில்லை என்றால் எங்களிடம் நேரடியாகச் சொல்லியிருப்பார். அவர் விளையாடுவது ஒரு போராட்டம் என்று எங்களுக்குத் தெரியும், ஆனால் அணிக்கான அவரது அர்ப்பணிப்பு, அவரது கேப்டன்சி போன்றவற்றால் அணி எவ்வாறு பயனடைகிறது என்பது அனைவருக்கும் தெரியும். அந்தக் கண்ணோட்டத்தில், நீங்கள் அவரைப் பாராட்ட வேண்டும்.
இறுதி வரை அவர் தனது முழங்கால் பற்றி யாரிடமும் புகார் செய்யவில்லை. எல்லோருக்கும் தெரிந்திருந்தாலும், ஓடும்போது அவர் கஷ்டப்படுவதை நீங்கள் பார்த்திருப்பீர்கள். அந்த விஷயம் குறித்து அவர் ஒருமுறை கூட புகார் செய்ததில்லை. இறுதிப் போட்டிக்குப் பிறகு “சரி நான் ஒரு அறுவை சிகிச்சை செய்துகொள்கிறேன் என்றார். அதன் படி அறுவை சிகிச்சையை முடிவடைந்தது குணமடைந்து வருகிறார்.
உண்மையில் இறுதிப் போட்டி முடிந்தவுடன் அவர் எங்களிடம் கூறியது. அவர் மும்பையில் அறுவை சிகிச்சை செய்து முடித்து ராஞ்சிக்குத் திரும்புவார். மும்பையில் ருதுராஜின் திருமணத்திற்குப் பிறகு நான் அவரைச் சந்தித்தேன். இது மரியாதை நிமித்தமான சந்திப்பு. தோனி மூன்று வாரங்கள் ஓய்வெடுத்துவிட்டு பின்னர் மீண்டும் பயிற்சியை தொடங்குவார் என்றார். அவர் கூறியது போல், அவர் ஜனவரி-பிப்ரவரி வரை விளையாடப் போவதில்லை.
என்ன செய்வது, எப்படிப் போவது என்பது அவருக்குத் தெரியும், எனவே நாங்கள் அவரிடம் ‘நீங்கள் என்ன செய்யப் போகிறீர்கள், எப்படி’ போன்றவற்றைக் கேட்கப் போவதில்லை. அவர் தானாகவே எங்களுக்குத் தெரிவிப்பார். அவர் என்ன செய்தாலும் முதலில் திரு என் சீனிவாசனுக்கு மட்டுமே தெரிவிப்பார். அவரை தவிர வேறு யாருக்கும் கிடையாது. சீனிவாசன் அவர்களிடம் அவருடன் நேரடியாக இருப்பார். அவரிடமிருந்து தான் தோனி இதைத்தான் செய்கிறார் என்ற தகவலைப் பெறுவோம். 2008ல் இருந்து இப்படித்தான். மேலும் இப்படியே தொடரும் என்றார் காசி விஸ்வநாதன்.
