ஐபிஎல் 2023தொடரின் 48வது போட்டியில் ராஜஸ்தான் ராயல்ஸ் மற்றும் குஜராத் டைட்டன்ஸ் இடையேயான போட்டி ஜெய்ப்பூரில் உள்ள சவாய் மான்சிங் ஸ்டேடியத்தில் நடைபெற்றது. இந்த போட்டியில் குஜராத் டைட்டன்ஸ் அணி 9 விக்கெட் வித்தியாசத்தில் வெற்றி பெற்றது. ராஜஸ்தான் ராயல்ஸ் மற்றும் குஜராத் டைட்டன்ஸ் இடையிலான ஆட்டத்தில் டாஸ் வென்று முதலில் பேட்டிங் தேர்வு செய்த ராஜஸ்தான் மோசமான தொடக்கத்தை பெற்றது.
பட்லர் 8 மற்றும் ஜெய்ஸ்வால் 14 ரன்களில் ரன் அவுட் செய்யப்பட்டார் அங்குதான் ராஜஸ்தானுக்கு சரிவு தொடங்கியது. அதன் பிறகு சஞ்சு சாம்சன் ஒரு போட்டியை நிலைநிறுத்தவும் ஒரு பார்ட்னர்ஷிப்பை உருவாக்கவும் முயன்றார். ஆனால் அவரும் வெறும் 20 பந்துகளில் 3 பவுண்டரிகள் மற்றும் 1 சிக்ஸர் உதவியுடன் 30 ரன்கள் எடுத்து வெளியேறினார். சொல்லப்போனால் ராஜஸ்தான் அணியில் அதிக ரன் குவித்த வீரரும் சஞ்சு தான். அவரைத் தவிர யாராலும் 20 ரன்கள் கூட எடுக்க முடியவில்லை.
இந்தப் போட்டியில் முதல் இன்னிங்கில் ரஷித் கான் 3 விக்கெட்டுகளையும், நூர் அகமது 2 விக்கெட்டுகளையும், ஷமி-பாண்டியா மற்றும் லிட்டில் 1-1 விக்கெட்டுகளையும் குஜராத்துக்காக வீழ்த்தினர். இந்நிலையில் 119 ரன்கள் இலக்கை துரத்த குஜராத் அணி களம் இறங்கியபோது தொடக்கம் அபாரமாக அமைந்தாலும் 6 பவுண்டரிகள் அடித்த ஷுப்மான் கில் வடிவில் முதல் அடி விழுந்தது. 35 பந்துகளில் 36 ரன்கள் எடுத்த நிலையில் வெளியேறினார்.
ஆனால் அவரின் இழப்பு குஜராத்திற்கு எந்த வகையிலும் பாதிக்கவில்லை, தான் செய்யவேண்டிய வேலையை சரியாக செய்து விட்டு சென்றார் கில். இவருக்கு பிறகு ஹர்திக் பாண்டியா களமிறங்கினார். அவர் அதிரடியாக பேட்டிங் செய்து 15 பந்துகளில் 3 சிக்ஸர்கள் 3 பவுண்டரிகளுடன் ஆட்டமிழக்காமல் 39 ரன்கள் எடுத்தார். அதே நேரத்தில் சாஹா 34 பந்துகளில் 5 பவுண்டரிகள் உதவியுடன் 41 ரன்கள் எடுத்து ஆட்டமிழக்காமல் இருந்தார்.
இந்நிலையில் குஜராத் டைட்டன்ஸ் அணி வெறும் 13.5 ஓவர்கள் முடிவில் ராஜஸ்தான் அணியை வீழ்த்தியது. இதன் மூலம் 14 புள்ளிகளை பெற்று ஐபிஎல் அட்டவணையில் முதல் இடத்தில் இருக்கிறது குஜராத் டைட்டன்ஸ். அதோடு குறைந்த பட்சம் இன்னும் 2 போட்டிகளுக்கு குஜராத் அணியே முன்னிலையில் இருக்கும் என்பது குறிப்பிடதக்கது.
