தரம் கேட்டு போகும் தமிழ் கமெண்டரி. உலக கிரிக்கெட் ரசிகர்கள் அனைவரும் எதிர்பார்த்து காத்துகொண்டு இருந்த ஐபிஎல் 2024 மார்ச் 22 முதல் தொடங்கி தற்போது வரை சிறப்பாக நடைபெற்று வருகிறது. அதில் நேற்று 25 வது போட்டியில் மும்பை இந்தியன்ஸ் அணியும் ராயல் சேலஞ்சர்ஸ் பெங்களூரு அணியும் மும்பையில் உள்ள வான்கடே மைதானத்தில் மோதியது. இந்த இரு அணிகளும் இந்த சீசனில் ஒரே ஒரு வெற்றியை தான் பெற்று இருந்தார்கள். இந்த போட்டியில் வெற்றி பெற வேண்டிய கட்டாயம் இரு அணிக்கும் இருந்தது. அதில் நேற்றைய போட்டியில் டாஸ் வென்ற ஹர்திக் பாண்டியா முதலில் பந்துவீச்சை தேர்வு செய்தார்.
அதன் படி பேட்டிங் செய்த பெங்களூரு அணி ஆரம்பத்தில் இருந்தே தடுமாறி தான் விளையாடி வந்தது. இருப்பினும் மிடில் ஆர்டரில் அவர்கள் சற்று தடுமாறி விளையாடவே ரன்கள் மெதுவாக அந்த இடத்தில் குறைந்தது. ஆனால் ஆதன் பின் தினேஷ் கார்த்திக் தனது சிறப்பான ஆட்டத்தை வெளிப்படுத்தி இருந்தார். எனவே பெங்களூரு அணி 20வது ஓவர்கள் முடிவில் 8 விக்கெட்டுகளை இழந்து 196 ரன்களை குவித்து இருந்தது. ஆரம்பத்தில் விராட் கோலி அதிக அளவில் ரன்களை குவிப்பார் என எதிர்பார்க்கப்பட்ட நிலையில் அவர்3ரன்னில் ஆட்டமிழந்து வெளியேறினார்.
அறிமுக வீரர் வில் ஜாக்ஸ் 8 ரன்னில் வெளியேற அதன் பின் வந்த படிதார் தனது அதிரடி ஆட்டத்தை அவர் வெளிப்படுத்தி இருந்தார். 26 பந்துகளில் 61 ரன்களை அவர் அடித்து இருந்தார். அதன் பின் டு பிளசிஸ் 61 ரன்னில் ஆட்டமிழந்து வெளியேறினார். அதன் பின் எந்த வீரரும் இரண்டிலக்க ரன்களை கூட அடிக்க முடியவில்லை. இறுதியில் தினேஷ் கார்த்திக் அதிரடியாக விளையாடி 23 பந்துகளில் 53 ரன்களை அவர் அடித்து இருந்தார். அவரது ஆட்டம் காரணமாக தான் பெங்களூரு அணி 196 ரன்களை குவிக்க முடிந்தது.
மும்பை அணியின் தொடக்கம் முதலே பேட்டிங் சிறப்பாக இருந்தது. எனவே அவர்கள் 197 இலக்கை 15.3 ஓவர்களிலே அடித்து முடித்து விட்டனர். அதில் வந்த அனைவரும் சிறப்பான ஆட்டத்தை வெளிப்படுத்தி இருந்தனர். இஷான் கிஷன் 34 பந்துகளில் 69 ரன்களும் ரோஹித் ஷர்மா 24 பந்துகளில் 38 ரன்களும் சூர்யகுமார் யாதவ் 19 பந்துகளில் 52 ரன்களும் ஹர்திக் பாண்ட்டியா 6 பந்துகளில் 21 ரன்களையும் திலக் வர்மா 10 பந்துகளில் 16 ரன்களையும் அடித்து இருந்தனர். பெங்களூரு அணி இது போன்ற மோசமான பந்து வீச்சாளர்களை வைத்து கொண்டால் 196 அல்ல 296 ரன்களை அடித்து இருந்தாலும் பெங்களூரு அணியால் வெற்றி பெற முடியாது.
பந்துவீச்சாளர்கள் சார்பில் ஆகாஷ் தீப் விஜயகுமார் மற்றும் வில் ஜாக்ஸ் தலா ஒரு விக்கெட்டுகளை மட்டுமே வீழ்த்தி இருந்தனர்.இது போன்ற ஆட்டங்கள் பெங்களூரு அணிக்கு புதிதல்ல ஆனால் அவர்கள் அணியில் பெரிய மாற்றத்தை ஏற்படுத்தினால் மட்டும் தான் இந்த தொடரில் அவர்களால் மேலும் தொடர முடியும். இந்த போட்டியின் இடையில் பும்ரா வீசிய பந்து லோம்ரோர் காலில் பட்டு அவர் வழியில் துடித்து கொண்டு இருந்தார். அப்போது வர்ணனையில் இருந்த கிருஷ்ணமாச்சாரி ஸ்ரீகாந்த் அவரது வலியை ரசித்து கலாய்த்து கொண்டு இருந்தார்.
worst tamil commentary#ipl2024 pic.twitter.com/35oY9ap40O
— dhilip kumar (@dhilipkumars009) April 12, 2024
அதில் ஒருவித நக்கலும் அருவருப்பும் இருந்தது. பும்ரா அவருக்கு பிடித்த வீரர் என்றாலும் அவரை பாராட்டி பேசுவது சரியாக இருந்தாலும் மற்ற வீரர்களை இது போன்று வீரர்களின் வலியை ரசித்து கமெண்டரி செய்யக் கூடாது. ஆரம்பத்தில் தமிழ் கமெண்டரி சிறப்பாக இருந்தாலும் அதன் பின் அது மக்களிடைய அருவருப்பையும் எரிச்சலையும் தான் ஏற்படுத்தி வருகிறது. அவர் முன்னாள் இந்திய வீரர் என்றாலும் அவர் இது போன்ற வர்ணனையில் செய்யக்கூடாது என்றும் பலர் அவர்களது கருத்துக்களை தெரிவத்து வருகின்றனர்.
