இந்திய கிரிக்கெட் அணியின் முன்னாள் கேப்டனும், சென்னை சூப்பர் கிங்ஸ் அணியின் கேபட்டனுமான மகேந்திர சிங் தோனி உலகின் சிறந்த கேப்டன்களில் ஒருவராக திகழ்ந்து வருகிறார். இவர் தன்னுடைய வாழ்க்கையில் கடந்து வந்த பாதை பலருக்கும் மிகப்பெரிய பாடமாக இருக்கும். எளிமையான இடத்தில் இருந்து வந்து பின்னர் ரயில்வே ஸ்டேஷனில் டிக்கெட் கலெட்டராக பணிபுரிந்து பின்னர் இந்திய அணியின் கேப்டனாக மாறி உலகமே திரும்பி பார்க்கும் படி உலக கோப்பையை வென்றும் கொடுத்தார்.
ஒரு அணிக்கு எத்தனை வீரர்கள் இருந்தாலும் அவர்கள் இக்கட்டான நேரங்களில் சரியாக சிந்திக்க கண்டிப்பாக இரு தலைமை தேவை. அந்த தலைமையாக தோனி மிகச்சிறப்பாக செயல்பட்டார். இவர் விகேட்கீப்பர் பேட்ஸ்மேன் என்பதினால் தன்னுடைய அணியின் பந்துவீச்சாளர்களுக்கு இடையே நல்ல புரிந்துணர்வு இருக்கும். அதே நேரத்தில் பீல்டர்களை வைத்து மைத்தனத்தில் மாயாஜாலத்தை நிகழ்த்துவதிலும், கண்ணிமைக்கும் நேரத்தில் ஸ்டெம்புகளை வீழ்த்துவதிலும் இவருக்கு நிகர் இவரே என்று கூறலாம்.
அந்த அளவிற்கு இந்தியா பார்த்த மிகச்சிறந்த கேப்டன்களின் எம்.எஸ்.தோனியும் ஒருவர். சர்வதேச கிரிக்கெட் போட்டிகளில் இருந்து ஓய்வு பெற்றாலும், ஐபிஎல் போட்டிகளில் சென்னை அணிக்காக விளையாடி வருகிறார். மேலும் இன்று பிறந்தநாள் கொண்டாடும் தோனிக்கு 42 வயது ஆனாலும் தான் அடுத்த வருடமும் ஐபிஎல் போட்டியில் விளையாடுவதாக கூறியுள்ளார். இது ரசிகர்கள் பலருக்கும் அளவற்ற மகிழ்ச்சியை ஏற்படுத்தியுள்ளது.
வாசிம் ஜாபர் :
இந்நிலையில் வாசிம் ஜாபர் சமீபத்தில் கொடுத்த பேட்டியில் தோனி குறித்து சுவாரசியமான தகவலை பகிர்ந்துள்ளார். அவர் கூறுகையில் “நான் கடந்த 2005ஆம் ஆண்டு இந்திய அணிக்கு திரும்பினேன். ஆனால் தோனிக்கு 2004 ஆம் ஆண்டு இருந்தியின் போது அணிக்கு வந்தார். அப்போது ஒரு நேரம் நானும் என்னுடைய மனைவி மற்றும் தினேஷ் கார்த்திகையும் அவரது மனைவியும் உடன் இருந்தார்கள். இதன் போது தினேஷ் கார்த்திக் அவ்ரது மனைவியுடன் பேசிக்கொண்டு வர தோனி எங்களின் அருகே அமர்ந்திருந்தார்.
அப்போது தோனி என்னுடைய மனைவியிடம் கூறியுள்ளார் “தான் 30 லட்சம் சம்பாரித்தால் போதும் என்றும், அந்த பணத்தை வைத்து தன்னுடைய வாழ்க்கையை தன்னுடைய சொந்த ஊரான ராஞ்சியில் நிம்மதியாக வாழ முடியும் என்று அவர் கூறியுள்ளார். அதோடு தான் ராஞ்சியை விட்டு வெளியேற விரும்பவில்லை என்றும் தோனி கூறியுள்ளாராம். தோனி அப்போது அணிக்கு புதியவர் தனக்கு 30 லட்சம் இருந்தால் போதும் என்று கூறியது தனக்கு இன்னும் நினைவிருப்பதாக ஜாபர் கூறினார்.
மேலும் பேசிய அவர் கூறுகையில் “தோனி தன்னுடைய வாழ்க்கையில் இவ்வளவு பேரும் புகழும் பெற்ற பிறகும் ஆரம்பத்தில் தான் இருந்ததை போலவே அணைத்து விஷயங்களிலும் அமைதியாகவும், எளிமையாகவும் இருக்கிறார். அவர் காலப்போக்கில் தான் இந்திய அணியின் கேப்டனாக இத்தனை சாதனைகளை படித்த பிறகும் தன்னை மாற்றிக்கொள்ளாமல் , தான் பார்க்கும் விதம் மற்றும் அணுகும் விதம் போன்றவற்றில் மாற்றிக்கொள்ளாமல் இருப்பதாக வாசிம் ஜாபர் தெரிவித்துள்ளார்.
