இங்கிலாந்து அணிக்கு எதிரான 5 போட்டிகளை கொண்ட டெஸ்ட் தொடரில் இந்தி அணி 3-1 என்ற கணக்கில் தொடரை கைப்பற்றியுள்ளது. கடைசி போட்டியானது இன்று தரம்சாலாவில் நடைபெற்று வருகிறது. இந்த ஒரு போட்டியில் இந்திய அணியின் வீரர் அஷ்வினும் இங்கிலாந்து அணியின் வீரர் பேர்ஸ்டோவும் தங்களது 100வது டெஸ்ட் போட்டியில் இன்று களமிறங்கினார்கள் இதில் டாஸ் வென்ற இங்கிலாந்து அணியின் கேப்டன் ஸ்டோக்ஸ் பேட்டிங்கை தேர்வு செய்தார்.
இன்றைய ஆட்டத்தின் தொடக்கத்தில் இருந்த இங்கிலாந்து அணி இந்தியா அணியின் பந்துவீச்சு சமாளிக்க முடியாமல் திணறியே வந்தது. அதிலும் குறிப்பாக சுழற்பந்து வீச்சின் ஆதிக்கமே தான் அதிக அளவில் இருந்தது. இன்றைய போட்டியில் அவர்களது ஆதிக்கமே அதிகம் இருந்ததால் அனைத்து விக்கெட்டுகளையும் சுழல் பந்துவீச்சாளர்கள் மட்டுமே அனைத்து விக்கெட்டுகளையும் வீழ்த்தி இருந்தனர். இதில் நூறாவது போட்டியில் களம் இறங்கிய அஸ்வினும் தனது கடமைக்கு நான்கு விக்கெட்டுகளை வீழ்த்தி இருந்தார்.
இங்கிலாந்து அணி 57.4 ஓவர்களிலேயே அனைத்து விக்கெட்டுகளையும் இழந்து 218 ரன்களை மட்டுமே அடித்து இருந்தது. அதில் இங்கிலாந்து அணியின் அதிகபட்சமாக க்ராலி 69 ரன்களையும் பேர்ஸ்டோ 29 ரன்களையும் ஜோ ரூட் 26 ரன்களையும் போக்ஸ் 24 ரன்களையும் அடித்திருந்தனர் இந்திய அணியின்பந்துவீச்சை சமாளிக்க முடியாமல் அதற்கு பின் வந்த பேட்ஸ்மேன்கள் அடுத்தடுத்து விக்கெட்டுகளை இழந்து வெளியேறினார். இந்திய அணியின் சார்பில் குல்தீப் 5 விக்கெட்டுகளையும் அஸ்வின் நான்கு விக்கெட்டுகளையும் ஜடேஜா ஒரு விக்கெட்டையும் வீழ்த்தி இருந்தனர்.
சுழல் பந்துவீச்சாளர்கள் ஆதிக்கம் அதிக அளவில் இருந்ததால் சுழற் பந்துவீச்சாளர்களை இந்த போட்டியில் அனைத்து விக்கெட்டுகளையும் கைப்பற்றினர். இதில் குல்தீப் யாதவ் தனது நான்காவது ஐந்து விக்கெட்டுகளை வீழ்த்தி இருந்தார். அது மட்டுமல்லாமல் கடந்த 100 வருடங்களில் அதிவேகமாக 50 விக்கெட்டுகளை வீழ்த்திய சுழல் பந்துவீச்சாளர் என்று பெருமையையும் குல்தீப் யாதவ் பெற்று இருந்தார். அதன் பின் இந்திய அணி விக்கெட்டு எதையும் இழக்காமல் விளையாடி வருகிறது
அதன் பின் பேட்டிங் செய்த இந்திய அணியின் தொடக்க வீரர்கள் அதிரடி ஆட்டத்தை வெளிப்படுத்தி வருகின்றனர். இதில் ஜெய்ஸ்வால் பல்வேறு சாதனைகளை படைத்து வருகிறார்.இதில் இங்கிலாந்து அணிக்கு எதிரான அதிக ரன்களை அடித்த இந்திய வீரர் என்ற சாதனை படைத்து இருந்தார். ஜெய்ஸ்வால் 656 ரன்களையும் அதற்க்கு அடுத்த இடத்தில விராட் கோலி 655 ரன்களையும் ராகுல் டிராவிட் 602 ரன்களையும் விஜய் மஞ்சுரேக்கர் 586 ரன்களையும் அடித்து இருந்தானர். அதே போல் ஜெய்ஸ்வால் 92 ஆண்டுகால வரலாற்றில் இந்தியாவின் ஒற்றை எதிரிக்கு எதிராக அதிக சிக்ஸர்களை அடித்துள்ளார்.
