கடந்த 2019 ஒருநாள் உலக கோப்பையின் சாம்பியன் இங்கிலாந்து அணி தற்போது நடந்து வரும் 2023 உலக கோப்பையில் தடுமாறி வருகிறது. ஆப்கானிஸ்தானிடம் தோல்வியடைந்தது ரசிகர்களுக்கு அதிர்ச்சி கொடுத்த நிலையில் நேற்று தென்னாப்பிரிக்காவிற்கு எதிரான ஆட்டத்தில் இங்கிலாந்து அணி 229 ரன்கள் வித்தியாசத்தில் படுதோல்வி அடைந்தது. இதனால் இந்த உலக கோப்பை போட்டியில் அரையிறுதி போட்டிக்கே செல்ல தடுமாறி வருகிறது.
இந்நிலையில் இங்கிலாந்து அணியின் முடிவுகளும் அந்த அளவிற்கு சரியாக இல்லை ஏனெற்றால் இங்கிலாந்து கொஞ்சம் குளிர்ச்சியான தட்பவெப்ப நிலையை கொண்ட நாடு. அதே நேரத்தில் நேற்று போட்டி நடந்த மைதானம் மும்பை என்பதினாலும் அதே நேரத்தில் அங்கு ஈரப்பதமும் வெப்பமும் இருக்கும் சூழ்நிலையில் ஜோஸ் பட்லர் பந்துவீச்சை தேர்வு செய்தார். இது அணியின் செயல்திறனை பாதித்தத.
அதீத வெப்பம் நேற்று மைதானத்தில் நிலவியது. இதனால் இங்கிலாந்து அணியின் பந்துவீச்சாளர்களுக்கும் சில பிரச்சனைகள் ஏற்பட்டது. குறிப்பாக தசைபிபிடிப்புகளுடன் அவதிப்பட்டனர். இந்த நிலையில் தான் இங்கிலாந்து அணியின் நிர்வாகம் தவறான முடிவுகளை எடுத்தது வருவதாக குற்றம் சாட்டியுள்ளார் முன்னாள் இங்கிலாந்து அணியின் வீரர் நாசர் ஹுசைன். அவர் பேசுகையில் ” இங்கிலாந்து அவர்களின் முடிவுகளை தவறாக இருக்கிறது. நாங்கள் டாஸ் மற்றும் அணியின் சமநிலையை தவறாகப் புரிந்து கொண்டோம்.
அணியில் மூன்று மாற்றங்கள் இங்கிலாந்தை அவர்கள் பல ஆண்டுகளாக விளையாடி வந்ததிலிருந்து முற்றிலும் விலகிச் சென்றது.வோக்ஸ்க்கு சரியான ரிதத்தில் இல்லை மற்றும் ஒரு தட்டையான ஆடுகளத்தில் நீங்கள் அவரை விட்டுவிட்டு ஸ்டோக்ஸை உள்ளே கொண்டு வாருங்கள், அந்த முடிவுக்கு நான் உடன்படுகிறேன். டாஸ் முடிவு மற்றும் புள்ளிவிவரங்களை நம்புவது எனக்குப் பிடிக்கவில்லை.
ஜோஸ் பட்லரும் சரியாக விளையாடவில்லை மேலும் அவர் சிரமப்பட்டுக் கொண்டிருந்ததால் அவருக்கும் ஒரு நல்ல நாள் இல்லை என்று நினைக்கிறேன். வில்லி வலியால் அவதிப்பட்டார், ஸ்டோக்ஸ் சிரமப்பட்டார்கள், புரூக் மற்றும் டாப்லி சிகிச்சை பெற்று வந்தனர், ரஷித் உடல்நிலை சரியில்லாமல் இருந்தார். இது ஒரு மோசமான கனவு போன்று இருக்கிறது.
இங்கிலாந்து அணியானது களத்திற்கு வெளியே எடுக்கும் முடிவுகளை சரியாகப் எடுக்க வேண்டும். செயல்திறனின் தரம் போதுமானதாக இல்லை. புள்ளிவிவரங்களைப் பற்றி நான் நிறைய கேள்விப்பட்டேன், மேலும் மோர்கன் புள்ளிவிவரங்களைப் பயன்படுத்தினார். ஆனால் அவர் காளத்தில் எடுக்கும் முடிவுகள் தைரியமானவையாக இருக்கும். ஆனால் இப்போது அப்படி இங்கு இல்லை என்று கூறியுள்ளார் நாசர் ஹுசைன்.
