சின்ன சாமி மைதானத்தில் ஒலித்த ஜெய் ஸ்ரீ ராம் கோஷம் ஆஸ்திரேலியா ரசிகரின் கோஷம். உலக கோப்பை 2023 தொடரானது தற்போது சுவாரசியமான கட்டத்தை எட்டிய நிலையில் அணிகள் பலவும் ஏற்கனவே 3 போட்டிகளை விளையாடிய நிலையில் அவர்களின் பலம் எனது பலவீனம் எனது என்பது குறித்து நன்றாக தெரிந்து வைத்திருக்கின்றனர். இந்நிலையில் நேற்று ஆஸ்திரேலியா vs பாகிஸ்தான் அணிகளுக்கு இடையேயான போட்டியானது சின்னசாமி மைத்தனத்தில் நடைபெற்று வந்தது.
இந்நிலையில் இந்த போட்டியில் முதலில் டாஸ் வென்ற பாகிஸ்தான் அணியானது பந்துவீச முடிவு செய்தது. ஆனால் அவர்களின் முடிவு சரிதானா என்ற கேள்வியும் எழுந்தது. ஆஸ்திரேலியா அணி 5௦ ஓவர்கள் முடிவில் 9 விக்கெட்டுகளை இழந்த நிலையில் 367 ரன்களை குவித்தது. அணியின் அதிகபட்ச ஸ்கோராக டேவிட் வார்னர் 163 ரன்களும், மிட்செல் மார்ஷ் 121 ரன்களையும் குவித்து அணிக்கு ஒரு சிறந்த அடித்தளத்தை அமைத்தனர். அதன் பின் வந்த அனைவரும் சொதப்பிய நிலையில் வெளியேறினர். ஸ்டோனிஸ் 21 ரன்களை அடித்திருந்தார். பாகிஸ்தான் அணி சார்பில் அப்ரிடி சிறப்பாக பந்து வீசி 5 விக்கெட்டுகளையும், ஹரிஸ் ரவூப் 3 விக்கெட்டுகளையும், உசாமா மிர் 1 விக்கெட்டு வீழ்த்தி இருந்தார்.
368 என்ற இலக்குடன் களமிறங்கிய பாகிஸ்தான்அணிக்கு ஆரம்பத்தில் நல்ல தொடக்கம் கிடைத்து இருந்தாலும் அதன் பின் யாரும் அந்த தொடக்கத்தை தக்கவைத்து கொள்ள முடியாமல் 63 ரன்கள் வித்தியாசத்தில் தோல்வியை தழுவியது. பாகிஸ்தான் அணி சார்பில் அதிக பட்சமாக இம்ரான் உல் ஹக் 70 ரன்னிலும், அப்துல்லா ஷபீக் 64 ரன்களையும், ரிஸ்வான் 46 ரன்னிலும் ஆட்டமிழந்து வெளியேறினார்கள்.
ஆஸ்திரேலிய அணி சார்பில் ஜாம்பா 4 விக்கெட்டுகளையும், ஸ்டாய்னிஸ் மற்றும் கம்மின்ஸ் தலா 2 விக்கெட்டுகளையும், ஹேசில்வூட் மற்றும் ஸ்ட்ராக் தலா ஒரு விக்கெட்டுகளையும் வீழ்த்தி ஆஸ்திரேலியா அணிக்கு வெற்றி வாய்ப்பை தேடி தந்தனர். ஆஸ்திரேலியா 63 ரன்கள் வித்தியாசத்தில் வெற்றி பெற்றது. ஆரம்பத்தில் ஆஸ்திரேலியா அணி இரண்டு போட்டிகளில் தோல்வியை தழுவினாலும் அதன் பின் இரண்டு போட்டிகளிலும் வெற்றியை கண்டு சாம்பியன் அணி என்று நிரூபித்து வருகிறது. போட்டிக்கு இடையில் ஆஸ்திரேலியா ரசிகர் செய்த காரியம் இணையத்தில் வைரலாகி வருகிறது.
Australia fans saying "Bharat Mata Ki Jai" at Chinnaswamy Stadium.pic.twitter.com/udVosrzhbv
— Johns. (@CricCrazyJohns) October 21, 2023
விளையாட்டின் போது, ஆஸ்திரேலிய ரசிகர் ஒருவர் “பாரத் மாதா கி ஜெய்” என்று கோஷமிட்டதால் மிகவும் சுவாரஸ்யமான நிகழ்வு நடந்தது. ஆஸ்திரேலிய ரசிகரின் இந்தச் செயலை, அவரது கோஷங்களில் அவருக்குப் பதிலடி கொடுத்து ஆதரித்த இந்திய ரசிகர்களுக்கு சாட்சியாக இருந்தது. PAK vs AUS போட்டியின் போது சின்னசாமிக்கு அருகில் அமர்ந்திருந்த இந்திய ரசிகர்களுக்கு இது ஒரு அற்புதமான தருணம். அதே போல் நேற்றைய போட்டியில் பாகிஸ்தான் ரசிகர்கள் “பாகிஸ்தான் ஜிந்தாபாத்” என்ற கோஷமிட்டதற்க்கு காவல் துறை அவர்களை எச்சரித்து அனுப்பியது என்பது குறிப்பிட தக்கது.
