தற்போது நடந்துவரும் உலக கோப்பை தொடரை பொறுத்தவரையில் இந்தியா சிறப்பான பார்மில் உள்ளது. இந்த தொடரில் 5 போட்டிகளை விளையாடியுள்ள இந்திய அணியானது 5 போட்டிகளிலும் வென்று புள்ளி பட்டியலில் நம்பர் 1 இடத்தில் இருந்து வருகிறது. இந்நிலையில் வரும் 29ஆம் தேதி இந்திய அணியானது இங்கிலாந்து அணியுடன் மோத இருக்கிறது. இந்த போட்டியிலும் இந்திய வெற்றிபெறும் பட்சத்தில் இந்திய அணி அரையிறுதி போட்டிக்கு செல்வதை யாராலும் தடுக்க முடியாது.
இந்நிலையில் இங்கிலந்து அணிக்கு எதிராக இந்திய அணி மோத இருக்கும் நிலையில் ஹர்திக் பாண்டியா விளையாட வாய்ப்பு குறைவு என்பதினால் அவருக்கு பதிலாக ஸ்பின்னர்கள் களமிறங்கலாம் என்று கூறப்படுகிறது. ஏற்கனவே இந்த உலக கோப்பை தொடரில் சுழற்பந்து வீச்சாளர்களுக்கு எதிராக திணறிவரும் இங்கிலாந்து அணி கிட்டத்தட்ட அரையிறுதி போட்டியில் இருந்து வெளியேறும் நிலையில் உள்ளது.
இந்த மாதிரியான சூழ்நிலையில் இந்தியா தன்னுடைய சுழற்பந்து வீச்சாளர்களின் மூலம் மேலும் அழுத்தம் கொடுக்கும் என்று எதிர்பார்க்கப்படுகிறது. இது குறித்து பேசிய முன்னாள் இந்திய வீரர் ஹர்பஜன் சிங் கூறுகையில் ” இந்திய அணிக்காக குல்தீப் யாதவின் ஃபார்ம் நன்றாக உள்ளது, ஆனால் அடுத்த ஆட்டத்தில் குல்தீப், ரவீந்திர ஜடேஜா மற்றும் அஷ்வின் ஆகிய மூன்று சுழற்பந்து வீச்சாளர்கள் விளையாடுவதைப் பார்க்க முடியுமா என்று எனக்கு ஆச்சரியமாக இருக்கிறது.
இங்கிலாந்து சுழற்பந்துவீச்சை சரியாக விளையாடாததால் அந்த முடிவை இந்தியா எடுக்கலாம். அது போல உலகக் கோப்பையில் இங்கிலாந்து சரியாக விளையாடவில்லை, பந்து சுழலத் தொடங்கினால், அவர்களால் சிறப்பாகச் செயல்பட முடியாது என்று நான் நினைக்கவில்லை. மூன்று சுழற்பந்து வீச்சாளர்களை விளையாடுவது ஒரு மோசமான தேர்வாக இருக்காது.
சிராஜ் தொடர்ந்து போட்டிகளில் விளையாடி வருவதால் அவருக்கு ஓய்வு கொடுக்கலாம் விளையாடியுள்ளார். சமி இப்போதுதான் விளையாடும் லெவன் அணியில் நுழைந்து ஐந்து விக்கெட்டுகளை வீழ்த்தினார். ஆடுகளம் சுழற்பந்து வீச்சுக்கு சாதகமாக இல்லாமல் இருந்தால் அணியின் பெரிதாக மாற்றம் இருக்காது என்று நினைக்கிறேன். இருந்த போதிலும் இந்தியா இங்கிலாந்து அணியுடன் மோதுவதால் மெதுவாக ஆடுகளத்தை விரும்பலாம் என்றார் ஹர்பஜன்.
மேலும் பேசிய அவர் கூறுகையில் “இந்தியா மற்ற போட்டிகளுக்கு தகுதியானது, ஏனென்றால் அவர்கள் நன்றாக விளையாடி, ஐந்து போட்டிகளில் ஐந்தில் வெற்றி பெற்றுள்ளனர். பாகிஸ்தானாக இருந்தாலும் சரி, ஆஸ்திரேலியாவாக இருந்தாலும் சரி, இந்தியா சிறந்த ஃபார்மில் உள்ளது. விராட் கோலி முதல் ரோஹித் ஷர்மா வரை அனைவரும் நன்றாகவே இருக்கிறார்கள். பந்துவீச்சில் சமி 5 விக்கெட்டுகளை வீழ்த்தினார். பெரிய போட்டிகளில் சிறப்பாக செயல்படுபவர்களே பெரிய வீரர்கள் என்றார் ஹர்பஜன்.
