உலக கிரிக்கெட் ரசிகர்களால் பெரிதும் விரும்பப்படும் உலக கோப்பை கிரிக்கெட் தொடர் கடந்த 5 ஆம் தேதி இந்தியாவில் கோலாகலமாக துவங்கியது. உலகின் முன்னனி அணிகள் பங்கேற்று இருக்கிறது. இந்த முறை உலக கோப்பை போட்டி இந்தியாவில் நடைபெற்று வருவதால் இந்திய ரசிகர்கள் பெரும் உச்சத்தில் இருகின்றனர். இந்தியா விளையாடும் போட்டிகளை காண எதிராணிகளை விட இந்தியர்களே மைதானத்தில் அதிகம் கூடுகின்றனர். இரண்டு வெற்றியில் இருந்த தென்னாப்பிரிக்கா அணி நெதர்லாந்து அணியிடம் தோல்வியை தழுவியுள்ளது.
நேற்று தர்மசாலா மைதானத்தில் நடைபெற்ற தென்னாப்பிரிக்கா மற்றும் நெதர்லாந்து அணிகள் மோதின. இந்த போட்டியில் முதலில் டாஸ் வென்று தென் ஆப்பிரிக்க அணி முதலில் பவுலிங் செய்ய விரும்பியது. மழையின் காரணமாக போட்டியானது 43 ஓவர்களாக குறைக்கப்பட்டது. நெதர்லாந்து அணி 43 ஓவர்களில் 8 விக்கெட்டுகளை இழந்து 245 ரன்கள் குவித்தது அணியில் அதிகபட்ச எட்வர்ட்ஸ் 78 ரன்களும் வான் டெர் மெர்வே 29 ரன்களும் ஆரியன் தட் 23 ரன்களையும் குவித்தனர். ஆரம்பத்தில் நிதானமாக விளையாடி வந்தாலும் அதன் பின்பு தன்னுடைய விளையாட்டை சிறப்பாக மாற்றினார்கள்.
தென் ஆப்பிரிக்கா அணியின் பந்து வீச்சாளர்கள் சிறப்பாக பந்து வீசினாலும் அவ்வப்போது ரன்களை விட்டுக் கொடுத்தும் 31 எக்ஸ்ட்ரா ரன்களை விட்டுக் கொடுத்தனர். தென் ஆப்பிரிக்கா அணியின் பந்துவீச்சாளர்கள் இங்கு இங்கிடி மற்றும் ஜான்சன் ராபாடா தலா இரண்டு விக்கெட்டுகளையும் கேச மகாராஜ் மற்றும் ஜெரால்ட் கோட்ஸி தலா ஒரு விக்கெட்டைகளையும் விழித்தனர். தென்னாப்பிரிக்கா அணியின் கடைசியில் சுமாராக தான் இருந்தது.
43 ஓவர்களில் 246 ரன்களை எடுத்தால் வெற்றி என்ற இலக்குடன் களமிறங்கிய தென் ஆப்பிரிக்கா அணி ஆரம்பத்தில் நல்ல தொடக்கம் இருந்தாலும் போகப்போக அந்த தொடக்கத்தை அந்த அணி தக்க வைத்துக் கொள்ளவில்லை. தென்னாப்பிரிக்கா அணியின் அதிகபட்ச ரன்களாக டேவிட் மில்லர் 43 ரன்களும் க்ளாசண் 28 ரன்களும் கோட்சி 22 ரன்கள் மட்டுமே அடித்தனர். 42.5 ஓவரில் அணைத்து விக்கெட்களையும் இழந்து உங்களை 207 மட்டுமே அடிக்க முடிந்தது.
நெதர்லாந்து அணியில் பந்து வீச்சு சிறப்பாகவே இருந்தது. பலம் வாய்ந்த தென்னாப்பிரிக்கா அணியை கட்டி போட்டனர்.லோகன் வான் பீக் 3 விக்கெட்டும் ரோலோஃப் வான் டெர் மெர்வே,பால் வான் மீகெரென், தலா இரண்டு விக்கெட்களையும் ஆங்கர்மெண் ஒரு விக்கெட்டை வீழ்த்தி நெதர்லாந்து அணியின் வெற்றிக்கு வழி வகுத்தனர். நெதர்லாந்து அணி 38 ரன்கள் வித்தியாசத்தில் இந்த உலகக்கோப்பை போட்டியில் முதல் வெற்றியை பதிவு செய்துள்ளது.
எட்வர்ட்ஸ் கூறியது
இன்னும் சில வெற்றிகள் வரும் என்று நம்புகிறேன். இரண்டு ஆட்டங்களிலும் நாங்கள் நல்ல நிலையில் இருந்தோம், பின்னர் தோல்வியடைந்தோம் . போட்டியில் பார்ட்னர் ஷிப் அமைத்து ரன்களை கூட்டியதில் மிகவும் மகிழ்ச்சி. ஏராளமான ரசிகர்கள் எழுந்து நின்று விளையாட்டைப் பார்க்கிறார்கள் என்பதில் நான் உறுதியாக உள்ளேன். எப்போதும் நிறைய ஆதரவாளர்கள் சுற்றி இருக்கிறார்கள், ஆதரவுக்கு நன்றி. நாங்கள் அரையிறுதியில் ஒரு வாய்ப்பைப் பெற விரும்பும் போட்டிக்கு வந்தோம். தென்னாப்பிரிக்கா அவர்கள் விளையாடும் விதத்தில் பிடித்தவைகளில் ஒன்றாகும், எனவே இது எங்களுக்கு ஒரு நல்ல வெற்றி. “
