இவர் இருப்பதால் தான் இந்திய அணி இவ்வாறு சிறப்பாக செயல்படுகிறது. உலக கிரிக்கெட் ரசிகர்கள் அனைவரும் எதிர்பார்த்து காத்துக் கொண்டிருந்த உலக கோப்பை 2023 தற்போது இந்தியாவில் நடைபெற்று முடிவடையும் தருவாயில் இருக்கின்றது. இதில் இறுதிப் போட்டியில் ஆஸ்திரேலியா அணியும் இந்திய அணியும் அகமதாபாத்தில் உள்ள நரேந்திர மோடி மைதானத்தில் பலப்பரிட்சை செய்ய உள்ளது. இந்த போட்டியானது வரும் நாளை நடைபெற உள்ளது.
இந்திய அணி இந்த உலக கோப்பையில் இதுவரை ஒரு தோல்வியை கூட கண்டிராமல் பலம் வாய்ந்த அணியாகவும் மற்றொன்று பக்கம் ஆஸ்திரேலியா அணியும் இரு தோல்விகளை தழுவி இருந்தாலும் அதன் பின் வந்து அனைத்துப் போட்டிகளிலும் வெற்றி பெற்று ஞாயிறு அன்று இந்தியாவை இறுதிப் போட்டியில் மோத உள்ளது. இந்திய அணி அரை இறுதிப் போட்டியில் நியூசிலாந்து அணி எளிதாக 70 ரன்கள் வித்தியாசத்தில் வெற்றி பெற்றதன் மூலம் இறுதிப் போட்டிக்கு முன்னேறியது. நேற்று முன் தினம் நடந்த தென்னாப்பிரிக்கா ஆஸ்திரேலியா போட்டியில் ஆஸ்திரேலியா அணி தனது சிறப்பான பேட்டிங் மற்றும் பௌலிங் மூலம் தென் ஆப்பிரிக்கா அணியை மூன்று விக்கட்டுகள் வித்தியாசத்தில் வெற்றி பெற்று இறுதி போட்டிக்கு முன்னேறி உள்ளது.
தென் ஆப்பிரிக்கா அணி மீண்டும் ஒருமுறை அரை இறுதி சுற்றில் வந்து தோல்வியை தழுவி வெளியேறி உள்ளது. 31 வருடங்களாக தென்னாப்பிரிக்கா அணி இறுதிப் போட்டிக்கு செல்லவில்லை என்பதும் குறிப்பிடதக்கது. இந்திய அணியைப் பொறுத்த வரைக்கும் மூன்று துறைகளிலும் இந்திய அணி சிறப்பாகவே செயல்படுகிறது. அதாவது பவுலிங் பேட்டிங் மற்றும் பில்டிங் என மூன்று துறையில் சிறப்பாக செயல்படுகிறது. இந்திய அணிக்கு அதிக அளவில் ரன்கள் குவித்த பட்டியலில் விராட் கோலி முதலிடத்தில் 700 ரன்களை கடந்து விட்டார் ரோகித் சர்மா மற்றும் ஷ்ரேயஸ் ஐயர் 500 ரன்கள் அடித்திருக்கின்றார்கள்.
இந்திய அணியின் மிடில் ஆர்டர் குறித்து எப்போதும் ஒரு விமர்சனம் இருந்து கொண்டே தான் இருக்கின்றது ஆனால் அதனை இந்திய அணி இந்த உலக கோப்பை போட்டியில் நிறைவு செய்து உள்ளது. கேஎல் ராகுல் மற்றும் ஷ்ரேயஸ் ஐயர் மிடில் ஆர்டரில் இருவரும் இணைந்து அணிக்கு அற்புதமாக விளையாடி ரன்களை குவித்து இந்திய அணி வெற்றிக்கு ஒரு தூணாக இருக்கின்றார்கள். இந்த உலகக்கோப்பை தொடரிலும் ஒரு மிடில் ஆர்டரில் 500 ரன்கள் அடித்த வீரரும் ஷ்ரேயஸ் ஐயர் தான். ஜடேஜாவும் சில போட்டிகளில் சிறப்பாக பந்து வீசி உள்ளார். ரோஹித் ஷர்மா இந்திய அணிக்கு சிறப்பான தொடக்கத்தை அளிக்கிறார். ஆகையால் தான் மிடில் ஆர்டர் வீரர்கள் பயம் இல்லாமல் சிறப்பாக விளையாடுகிறார்கள்.
இது குறித்து பேசிய இங்கிலாந்து அணியின் முன்னாள் கேப்டனும் வீரருமான மைக்கேல் வாகன் கூறுகையில் உலக கோப்பையில் எனது வீரர் என்று சொல்லும் அளவிற்கு நான் ரோகித் சர்மாவை தான் சொல்லுவேன். ரோகித் சர்மா இல்லாமல் இந்திய அணி எப்போது எல்லாம் நடந்ததெல்லாம் நடந்து இருக்காது. அவர் விளையாட்டு அணுகும் முறையில் அவ்வளவு சிறப்பாக அமைந்திருக்கின்றது என்று நம்புகிறேன். விராட் கோலி அற்புதமான பார்மல் இருக்கின்றார் அவர் 50 சதங்களை ஒருநாள் போட்டி மிகப்பெரிய சாதனை தான். மேலும் ஷ்ரேயஸ் ஐயர் அற்புதமாக வீரராக திடீரென்று அவர் மாறிவிட்டார் என்றும் கூறியிருந்தார்.
