உலக புகழ்பெற்ற ஐபிஎல் 2024 தொடரானது தற்போது கோலாகலமாக நடைபெற்று வரும் நிலையில் நேற்று புள்ளிபட்டியலில் 2வது இடத்தில் இருக்கும் கொல்கத்தா அணியும், ஆறாவது இடத்தில் இருக்கும் டெல்லி அணியும் மோதியது. இதில் முதலில் டாஸை வென்ற டெல்லி அணி பேட்டிங்கை தேர்வு செய்தது அனைவருக்கும் ஆச்சரியமாக இருந்தது. ஏனென்றால் கொல்கத்தா மைதானத்தில் டாஸை வென்றால் பலரும் பௌலிங்கயே தேர்வு செய்வது வழக்கம்.
இந்நிலையில் முதலில் பேட்டிங் செய்த டெல்லி அணியின் பேட்ஸ்மேன்கள் கொல்கத்தா அணியின் பௌலிங்கிற்கு தாக்குப்பிடிக்க முடியாமல் ஆட்டமிழக்க முடிவில் 9 விக்கெட்டுகளை இழந்து 153 ரன்களை எடுத்தது. இதனை தொடர்ந்து பேட்டிங் செய்யவந்த கொல்கத்தா அணி இந்த சுலபமான இலக்கை 16.3 ஓவர்களிலேயே அடைந்து வெற்றி பெற்றது. இந்நிலையில் தான் டெல்லி அணியின் இந்த தோல்வி குறித்து பேசியுள்ளார் முன்னாள் இந்திய வீரர் ஆகாஷ் சோப்ரா.
அவர் கூறுகையில் : டாஸ் வென்ற பிறகு முதலில் பேட் செய்வது யார்? நான் அதிகம் விமர்சிக்கவில்லை, ஆனால் அது உண்மையாக இருந்தால் நான் அதைப் பற்றி பேச வேண்டும். டாஸ் வென்ற அணி இங்கு கடந்த 30 போட்டிகளில் இரண்டு முறை மட்டுமே முதலில் பேட்டிங் செய்தது. மேலும் யார் முதலில் பேட்டிங் செய்தாலும் தோல்வியடைந்தனர். சேஸிங் செய்யும் போது நீங்கள் எப்போதும் வெற்றி பெறுவீர்கள் என்பதல்ல, ஆனால் கொல்கத்தாவில் யாரும் முதலில் பேட் செய்வதில்லை.
என்ன நடந்தாலும் பின்னர் அங்கு பேட்டிங் சற்று எளிதாகிவிடும். ஆனால் முதலில் டெல்லி பேட்டிங் செய்வோம் என்று கூறியது எனக்கு ஆச்சரியமாக இருந்தது. சவுரவ் கங்குலியால் இந்த ஆடுகளத்தை படிக்க முடியவில்லை என்றால், யாரால் இருக்க முடியும்? இந்த ஆடுகளம் அவரது உள்ளங்கையின் பின்பகுதி போன்றது. அவருக்கு இந்த ஆடுகளம் குறித்து எல்லாம் தெரியும். அதனால் தான் முதலில் ஏன் அவர்கள் பேட்டிங் செய்தார்கள் என்று புரியவில்லை என்றார் ஆகாஷ் சோப்ரா.
மேலும் ரிஷப் பண்ட் குறித்து பேசிய அவர் கூறுகையில் : நான்கு விக்கெட்டுகள் விரைவாக வீழ்ந்தன, பின்னர் கேப்டன் ரிஷப் பந்த் மற்றும் அக்சர் படேல் தங்கள் அணியை காப்பாற்றுவார்கள் என்று நம்பெனீர்கள். இருப்பினும் ரிஷப் பன்ட்டால் அப்படி பேட் செய்ய முடியாது. அவர் வித்தியாசமாக ஏதாவது செய்ய முயற்சிப்பது போல் தோன்றியது. ஒவ்வொரு பந்திலும் அவர் ஒரே ஷாட்டை பலமுறை விளையாட முயன்றார்
ஒரு கேட்சை எதிரணி விட்ட பிறகு பேட்டில் ஒரு முறை கூட அடிக்கவில்லை. அவர் இரண்டு ஆட்டங்களில் இரண்டு முறை வருண் சக்கரவர்த்தியிடம் அவுட் ஆனார். அவர் பேட்டிங் செய்யும் விதம் மிக மிக ஆச்சரியமாக இருக்கிறது. பண்ட் அதை விட சிறப்பாக விளையாடுவதை நாங்கள் பார்த்திருக்கிறோம் என்றார் ஆகாஷ் சோப்ரா.
